Фарғона вилоятининг Қувасой шаҳрида 4,1 млрд сўмлик қум шағал аралашмасини ўзбошимчалик билан қазиб олиш ҳолати аниқланди, деб хабар берди Бош прокуратура ҳузуридаги Иқтисодий жиноятларга қарши курашиш департаменти.
Маълум қилинишича, “Ф.Х.” МЧЖ масъул шахслари геологик жиҳатдан ўрганиш ишларини олиб бориш учун “Қувасой-1” қум-шағал кони ҳудудидан ажратилган ер майдонидан 18 344 куб метр қум-шағал аралашмасини ўзбошимчалик билан қазиб олган.
Натижада давлат ва жамият манфаатларига 4,1 млрд сўм зарар етказилган.
Мазкур ҳолатлар юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.
Қум-шағал аралашмаси қазиб олиш ҳолатлари кўпаймоқда
Октябрь ойи охирида Чирчиқ дарёсидан қум-шағал аралашмаси қазиб олиниши оқибатида табиатга 273,8 млрд сўм зарар етказилганди.
Ноябрь ойи бошида эса Қашқадарё ва Самарқанд вилоятларида фойдали қазилмаларни ўзбошимчалик билан қазиб олиш ҳолатлари фош этилганди.
Шунингдек, кейинроқ Чирчиқ дарёсидан қум-шағал аралашмаси қазиб олиниши оқибатида табиатга 233 млрд сўм зарар етказилди.
Изоҳ (0)