Наманган вилоят Ички ишлар бошқармасида “Тезкор бошқарув маркази” фойдаланишга топширилди. Бу ҳақда “Дарё” мухбири Азизбек Абдувалиев хабар бермоқда.
Фото: Ҳамдам Мамадалиев
Шу муносабат билан вилоят ИИБда ўтказилган маросимда вилоят ҳокими Шавкат Абдураззоқов, ҳуқуқни муҳофаза қилувчи идоралар раҳбарлари иштирок этди.
Рамзий лента қирқилиб, марказдаги навбатчилик қисми, 102 тизими ва вазиятлар маркази фаолияти билан яқиндан танишилди. Тадбир иштирокчиларига марказнинг имкониятлари ҳамда жиноятчиликнинг олдини олишдаги ўрни ҳақида маълумотлар берилди.
Фото: Ҳамдам Мамадалиев
Лойиҳа қиймати 12,5 миллиард сўм бўлган марказ энг сўнгги замонавий технологиялар асосида жиҳозланган. Марказга “Хавфсиз шаҳар” тизими интеграция қилиниб, 700 тадан ортиқ кузатув камералари уланган. Бу ҳудудларда жамоат тартибини таъминлаш, йўл ҳаракати хавфсизлигини тартибга солиш, содир бўлиши мумкин бўлган жиноятларнинг тезкор олдини олишда самарали назорат ўрнатилишини таъминлайди.
.jpg?_t=1742727511)
Фото: Ҳамдам Мамадалиев
Изоҳ (0)