Тошкент вилоятининг Қибрай тумани “Аҳиллик” маҳалласи ҳудудида “закладчик”лар билан боғлиқ ҳолат фош этилди. Бу ҳақда вилоят ИИББ матбуот хизмати хабар берди.
Ходимлар хизмат вақтида шубҳали ҳаракат қилган 22 ёшлар атрофидаги икки нафар шахсни кузатган. Кузатув давомида ходимлардан қочишга уринган 2003 йилда туғилган (М.А. ва Ж.М.)лар ушланиб, холислар иштирокида кўздан кечирилган.
Натижада уларнинг ёнидан 520 дона қадоқланган ҳолатдаги кучли таъсир қилувчи, психофаол дори воситалари борлиги аниқланиб, ИИБ тезкор ходими иштирокида далилий ашё сифатида расмийлаштирилди.
Аниқланишича ушбу шахслар мазкур воситаларни ҳудуднинг хуфиёна жойларида “закладка” кўринишида яшириш мақсадида олиб келган.
Ҳозирда ҳолат юзасидан терговга қадар текширув ҳаракатлари олиб борилмоқда.
Гиёҳванд моддалар савдоси
Март ойи ўрталарида ДХХ Чегара қўшинлари ва Наманган вилояти бўйича бошқармаси ҳарбий хизматчилари томонидан олиб борилган тезкор-қидирув тадбирларида катта миқдордаги наркотик моддаларнинг ўзбек—қирғиз давлат чегарасидан ноқонуний ўтказилган ҳолати аниқланганди.
Шунингдек, Навоий вилоятида наркотик моддалар савдоси билан шуғулланувчи жиноий гуруҳ қўлга олингани, Тошкентда гиёҳванд моддалар савдоси билан шуғулланган талабалар ушлангани, шунингдек, Самарқанддаги тунги клубда 10 минг АҚШ доллари эвазига гиёҳванд модда сотишга уринганлар қўлга тушгани тўғрисида хабар берилганди.
Апрель ойи охирида Тошкент вилоятида наркокурерлик билан шуғулланган коллеж талабаси ушланганди.
Октябрь ойининг 10 куни давомида гиёҳвандлик воситаларини яшириш йўли билан (“закладка”) тарқатган ва шундай ноқонуний фаолият билан шуғулланган 32 нафар шахс ушланган.
Изоҳ (0)