Наманган вилоятининг Косонсой туманида ҳайдовчи 9 ўринли автомобилга 25 нафардан ошиқ болани миндириб ҳаракатлангани аниқланди. Бу ҳақда вилоят ИИБ Йўл ҳаракати хавфсизлиги бошқармаси матбуот хизмати хабар берди.
Маълум қилинишича, Косонсой туманида хизмат фаолиятини олиб бораётган ЙПХ ходими ҳаракатланиб кетаётган Hyundai Starех русумли автомашинани тўхтатиб текширган. Автомобиль салонида бўлган болалар санаб кўрилганда, уларнинг сони 25 нафардан ошиқлиги, ҳайдовчининг эса тегишли ҳужжатлари йўқлиги аниқланган ва унга нисбатан маъмурий баённома расмийлаштирилган.
Аввалроқ Самарқанд вилоятида Damas ҳайдовчиси 15 нафар бола ва уларнинг оналарини олиб кетаётгани аниқлангани ҳақида хабар берилганди.
2023 йил сентябрда Бухоро вилояти Ғиждувон туманида боғча мудираси 25 нафар болани ўз Spark’ида олиб кетаётганида тўхтатилганди. Бундан ташқари, Сурхондарёда ҳам ҳайдовчи Damas’да 25 нафар боғча боласини олиб кетаётгани маълум бўлган эди.
Изоҳ (0)