Тошкент шаҳар Миробод туманида чақнаш оқибатида талафот кўрган оилаларга уч йилдан бери уй берилмаётгани айтилмоқда. Туман ҳокимлиги ҳолатга изоҳ берди.
Келтирилишича, 2022 йил 30 декабрда юз берган газ портлаши оқибатида хонадонлари яроқсиз ҳолатга келган 3 та хонадон эгалари қачон уй-жой билан таъминланиши, шунингдек, уйнинг яроқсиз ҳолатга келган 4 та хонадон жойлашган блок қисмида қачон таъмирлаш ишлари олиб борилиши юзасидан мурожаатлар билдирилган.
“Ўзоғирсаноатлойиҳа” АЖ институтининг хулосасига кўра, чақнаш оқибатида 12 та хонадон талафот кўрган, шундан 8 таси яшашга яроқсиз деб топилган. Хулосага мувофиқ, туман ҳокимлиги комиссияси томонидан тегишли эксперт ташкилотларини жалб қилган ҳолда етказилган зарар миқдори аниқланган.
Шунингдек, яроқсиз ҳолатга келган хонадонларни демонтаж ишларини амалга ошириш бўйича тегишли хулоса олинган. Барча ҳужжатлар (баҳолаш ҳисоботлари, экспертиза хулосалари, “Ўзоғирсаноатлойиҳа”нинг демонтаж лойиҳаси) Тошкент шаҳар Халқ депутатлари кенгашига, Тошкент шаҳар умумлаштирувчи комиссиясига тақдим этилган.
Вазирлар Маҳкамасининг қарорига биноан туман, шаҳар ҳокими тавсияномаси асосида Қорақалпоғистон Республикаси Вазирлар Кенгаши, вилоят, Тошкент шаҳар ҳокими томонидан яшаш учун яроқсиз бўлган уйлар ёки турар жойларни бошқа мақсадларда фойдаланиш учун қайта жиҳозлаш ёхуд бузиш тўғрисида қарор чиқарилади.
Бунда турар жойлари авария ҳолатида ёки табиий офатлардан жабрланган деб эътироф этилган фуқароларга давлат томонидан текин уй-жой бериш масаласи албатта ҳал қилинган бўлиши керак.
Шу кунгача яроқсиз ҳолга келган 8 та хонадон эгаларининг 4 таси уй-жой билан таъминланган, яна бир хонадон эгаси ҳам уй билан таъминлаш ишлари жараёнда.
Миробод туман ҳокими, ҳоким ўринбосари Содиқ Азимов кўчаси 5-уйда истиқомат қилган фуқаролар билан доимий алоқадалиги, учрашувлар ўтказилиши ва уй-жой фондида хонадонлар пайдо бўлиши билан фуқароларга уй таклиф этиб келинаётгани билдирилди.
Мурожаатда чиқиш қилган фуқаролар таклиф этилган уй-жойларга рад жавоби берилган, рад жавобини берган фуқароларни бошқа турар-жой билан таъминлаш чора-тадбирлари кўрилмоқда.
Шунингдек, таъмирлаш мумкин бўлган 4 та хонадондан иборат блокни яроқсиз ҳолатга келган хонадон эгалари тўлиқ уй-жой билан таъминлангандан кейин таъмирлаш режалаштирилган.
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)