Европа Лигаси 1/8 финалининг дастлабки учрашуви доирасидаги “Атлетик Бильбао”га қарши баҳсда ғалаба голини киритган “Рома” ҳужумчиси Элдор Шомуродов ўйин ҳақида фикрларини билдириб ўтди.
Учрашувдан сўнг Шомуродов Sky Sport телеканалига интервью берди.
Муҳими, биз ғалаба қозондик. Бугун гол урганимдан бахтлиман, лекин ҳали хурсанд бўлишга эрта, сабаби олдинда жавоб учрашуви бор. Биз бир оила каби ҳаракат қиламиз. Ҳар бир футболчи ўзини “Рома”нинг муҳим аъзоси сифатида ҳис қилиши керак. Ишонч бўлса, натижалар ҳам келади.
Биз эртадан бошлаб кейинги ўйинларга тайёргарлик кўришимиз керак. Якшанба куни “Эмполи”га қарши баҳс бор, кейин эса Испанияда жавоб ўйини. “Атлетик”га қарши осон ўйин бўлмайди, биз яна ғалаба қозониш учун майдонга тушамиз, дейди Шомуродов Скй Спорт билан суҳбатда.
“Рома” Римда ўтказилган дастлабки баҳсда “Атлетик”ни 2:1 ҳисобида мағлуб этди. Жавоб учрашуви 13 март куни Бильбаода бўлиб ўтади.
Изоҳ (0)