Жорий йил 3 март куни Лос Анжелесдаги Dolby театрида “Оскар” мукофоти ўз эгаларига топширилди. 97-сонли маросимнинг мутлақ ғолиби сифатида кўплаб шов-шувга сабаб бўлган “Анора” фильмининг муаллифи Шон Бейкер деб топилди. 54 ёшли режиссёр энг яхши фильм, монтаж, режиссёрлик иши ва сценарий каби номинацияларда ютиб чиқди.
2025 йилда ўтказилган “Оскар”дан аввал Уолт Дисней мукофотлар сони бўйича рекордчи ҳисобланган, у 1954 йилда тўртта “Оскар”ни олган. Аммо Диснейдан фарқли ўлароқ, Бейкер барча мукофотларини битта фильм учун қўлга киритган биринчи ғолиб бўлди. Уолт Дисней эса турли номинациялар бўйича “Тирик чўл”, “Аляскалик эскимос”, “Айиқ мамлакати” каби лойиҳалари учун ғолиб бўлган эди.
“Анора” фильми жами бешта номинация: “Энг яхши фильм”, “Энг яхши режиссёр”, “Энг яхши оригинал сценарий”, “Энг яхши актриса” (Майки Медисон) ва “Энг яхши монтаж”да ғолиб бўлди.
2025 йилдаги “Оскар” совриндорларининг тўлиқ рўйхати билан бу ерда танишишингиз мумкин.
Изоҳ (0)