“Манчестер Юнайтед” раҳбарияти ишчилар сонини қисқартиришни режалаштирмоқда. Натижада 100 дан ортиқ ходим ишсиз қолиши мумкин.
Бу қарор ўтган йилнинг май ойида амалга оширилган чоралар давоми ҳисобланади. Ўшанда клуб тахминан 250 ходим билан хайрлашганди. Ҳозирча клуб ходимлари бўлажак қисқартириш ҳақида расмий равишда огоҳлантирилмаган, бироқ мавжуд маълумотларга кўра, қарор аллақачон қабул қилинган.
“Манчестер Юнайтед” раҳбарияти бундай чораларни жамоанинг ўтган мавсумдаги қониқарсиз натижалари клубнинг молиявий аҳволига салбий таъсир қилгани билан изоҳламоқда.
Ушбу мавсумда ҳам “Манчестер Юнайтед”нинг ишлари жойида эмас. Жамоа АПЛ турнир жадвалида 13-ўринда бормоқда. Аморим шогирдлари 24 учрашувда 29 очко тўплаган.
Изоҳ (0)