Неймарнинг отаси футболчининг режалари ҳақида маълум қилди

"Сантос" ҳужумчиси Неймарнинг отаси — Неймар да Сильва ўғлининг Бразилия клубида узоқ муддат қолишни режалаштираётганини маълум қилди.

Бизнинг лойиҳа фақат беш ойга мўлжалланмаган. Шартномани узайтириш вариантини ҳам кўриб чиқмоқдамиз.

Биз бу ерга фақат беш ой ўйнаб кетиш учун келмадик. “Сантос”га қайта тузиш, клубга ҳамкорлар топиш ва ривожланиш имкониятини бериш учун келдик, деди Неймарнинг отаси ТNT Brasil нашрига берган интервьюсида.

Неймар профессионал футболчилик фаолияти давомида “Сантос”, “Барселона”, “ПСЖ” ва “Ал-Ҳилол” клубларида ўйнаган. Бразилия миллий терма жамоаси сафида 33 ёшли вингер 128 та ўйинда майдонга тушиб, 79 та гол урган.

Кеча, 17 февраль куни футболчи “Сантос” клубида илк голини урди ва жамоасининг ғалабасида ҳисса қўшди.

Transfermarkt портали маълумотларига кўра, Неймар ҳозирда 15 миллион евро қийматга эга.

Аввалрқо Неймарнинг ўзи “Барселона”га қайтиш имкониятини ўйлаб кўраётгани ҳақида хабар берилганди.