“Манчестер Сити” раҳбарияти бир неча ойдан бери таркибда катта ўзгаришлар қилишга тайёргарлик кўрмоқда. Бу ҳақида Скй Спорц нашрига таяниб Уа-фоотбалл хабар бермоқда.
Бу жараён Пеп Гвардиолага жамоани қайта шакллантириш ҳамда чемпионлик учун асосий даъвогарлар қаторига қайтариш имкониятини беради.
Манбага кўра, клуб ўз вақтида юқори спорт формасида бўлган ва келажакда бу даражасига қайта чиқолмайдиган футболчилардан халос бўлишни режалаштирмоқда. Клуб раҳбарияти аллақачон ушбу футболчиларга янги жамоа топиш зарурлиги ҳақида хабар берган.
“Сити”ни тарк этиши кутилаётган футболчилар орасида Жек Грилиш, Кевин Де Брюйне, Бернарду Сильва, Жон Стоунс, Матео Ковачич, Илкай Гюндоган ҳамда дарвозабон Эдерсон бор. Маълум бўлишича, ушбу футболчилар ёзги трансфер ойнаси очилиши билан жамоани тарк этади.
Шу билан бирга, “Манчестер Сити” таркибни кучайтириш мақсадида янги футболчилар билан музокаралар олиб бормоқда. Ҳимояни мустаҳкамлаш учун асосий номзод “Ювентус” футболчиси Андреа Камбясо бўлиб турибди.
Шунингдек, жорий мавсум А Сериянинг энг яхши марказий ярим ҳимоячиларидан бири ҳисобланган Самуэле Риччи ҳамда марказий ҳимоячи Усмон Диоманди билан музокаралар давом этмоқда. Клуб, шунингдек, Кевин Де Брюйне ўрнига “Байер” футболчиси Флориан Вирцни таркибга қўшишни режалаштирмоқда.
Эслатиб ўтамиз, 26-турдан сўнг “Манчестер Сити” 44 очко билан Англия чемпионати турнир жадвалида 4-ўринда бормоқда.
Изоҳ (0)