“Манчестер Сити” бош мураббийи Хосеп Гвардиола УЕФА Чемпионлар Лигаси плей-офф босқичининг дастлабки ўйинида Мадриднинг “Реал” клубидан учралган мағлубият ҳақида фикр билдирди.
Мен кўп йиллардан бери ‘Манчестер Сити’да ишлайман ва ажойиб жамоанинг, ҳақиқий машинанинг бир қисмиман. Аммо айни пайтда мен жамоада юзага келаётган вазиятни енгиб ўтишда ёрдам бера оладиган нарсани таклиф қила олмаяпман. Бу натижаларга ҳаммамиз жавобгармиз. Тан оламан, тизим аввалгидек ишламаяпти. Битта футболчини айблаш осон бўлар эди, лекин бу бемаънилик. Айб ҳаммамизда, энг аввало, менда. Муаммо шундаки, биз етарлича стабил ўйин намойиш этмаяпмиз”
Улар тўп билан яхшироқ ҳаракат қилди, биз эса бир оз асабийлашдик. Жавоб ўйинида ғалаба қозонишга ҳаракат қиламиз, бу руҳий жиҳатдан қийин, олдинда оғир ўйинлар бор. Лекин биз Мадридга борамиз, кўпроқ ўйин устунлигига эга бўлиш, ғалаба қозониш ва кейинги босқичга чиқиш учун рақибга мослашишга ҳаракат қиламиз, дея Гвардиоланинг сўзларини келтиради Sky Sports нашри.
Маълумот учун, кеча, 11 февраль куни бўлиб ўтган Чемпионлар Лигаси плей-офф босқичининг дастлабки ўйинида “Сити” “қироллик клуби”га 2:3 ҳисобида мағлубиятга учради.
Жавоб ўйини 19 февраль куни Мадридда бўлиб ўтади.
Изоҳ (0)