“РБ Лейпциг” клубининг нидерландиялик ярим ҳимоячиси “Манчестер Сити” клубига ўтиши мумкин. Бу ҳақда El Nacional нашри хабар бермоқда.
Манба берган маълумотга кўра, инглиз клуби бош мураббийи Хосеп Гвардиола 21 ёшли футболчини Кевин Де Брюйненинг ўринбосари сифатида кўрмоқда. Германия клуби ўз футболчиси учун 100 миллион евродан ортиқ миқдорда маблағ кутмоқда. Январь ойида Симонс “ПСЖ”дан “Лейпциг”га 80 миллион евро эвазига ўтганди.
Хави Симонс Германия Бундеслигасидаги техник фазилатлари, ўйинни ҳис қилиш қобилияти ва ҳужум ташкил этишда вазиятни ўзгартира олиши мураббийни ўзига жалб қилган. Эътиборлиси, “Лейпциг” Симонсни яқинда сотиб олганига қарамай, катта даромад ортидан футболчини бошқа клубга сотиши мумкин.
Ушбу мавсумда Хави Симонс клуб даражасида 18 та ўйин ўтказиб, бешта гол урди ва тўрт бор ассист амалга оширди. Transfermarkt порталида футболчининг баҳоси 80 миллион еврога тенг.
Аввалроқ “Манчестер Сити” “Байер”нинг икки етакчи футболчиси — Флориан Вирц ва нидерландиялик Фримпонгни ўз сафига қўшиб олиш ниятида экани хабар қилинганди.
Изоҳ (0)