Мадриднинг “Реал” клуби бош мураббийи Карло Анчелотти Чемпионлар Лигасининг плей-офф босқичи ўтиш ўйинининг жавоб баҳси олдидан “Манчестер Сити”нинг испаниялик бош мураббийи Хосеп Гвардиола ҳақида фикр билдирди.
“Мен Гвардиолани қаршимизда кўришдан чарчадим. Уни ҳамон фантастик мураббий деб биламан, лекин унга қарши ўйнашдан чарчадим. Аммо унинг мураббий фаолиятини кузатиш ҳар доим ёқимли”, дея Анчелоттининг сўзларини келтиради Eurosport.
Маълумот учун, жамоалар ўртасидаги дастлабки учрашув Гвардиола шогирдларининг 2:3 ҳисобидаги мағлубияти билан якунланган эди. Жавоб ўйини бугун, 19 февраль куни бўлиб ўтади.
Ушбу икки мураббий 13 та учрашувда тўқнаш келган. Баҳсларнинг 6 тасида Гвардиола жамоаси устун келган, икки учрашувда дуранг қайд этилган. 5 та баҳс италиялик мураббий устунлигида якунланган.
Изоҳ (0)