“Манчестер Сити” “Байер”нинг икки етакчи футболчиси — Флориан Вирц ва нидерландиялик Фримпонгни ўз сафига қўшиб олиш ниятида. Бу ҳақда El Nacional хабар бермоқда.
Манбага кўра, 22 ёшли Флориан Вирц Кевин де Брюйне учун ўринбосар сифатида кўрилмоқда. Сабаби белгиялик футболчи ёзда Саудия Арабистонига йўл олиши мумкин. Флориан учун Европанинг топ клублари курашга кирган, бироқ “Манчестер Сити” раҳбарияти футболчининг Хосеп Гвардиола билан ишлаш истаги муҳим омил бўлиши мумкин, деб ҳисоблайди.
Фримпонг трансфери эса Кайл Уокернинг “Милан”га сотиб олиш ҳуқуқи билан ижарага ўтганидан сўнг кун тартибига чиқди. “Шаҳарликлар” раҳбарияти иккала футболчини сотиб олиш учун 200 миллион евро ажратиш ниятида.
Жорий мавсумда Флориан Вирц клуб сафида 32 ўйинда майдонга тушиб, 15 гол урди ва 11 голли узатма амалга оширди. Transfermarkt портали уни 140 миллион еврога баҳоламоқда.
Жереми Фримпонг эса 31 ўйинда майдонга тушиб, 3 гол ва 10 ассист қайд этди. Transfermarkt унинг қийматини 50 миллион еврога баҳолайди.
Изоҳ (0)