Ўзбекистон Суринам билан дипломатик муносабатлар ўрнатди. Бу ҳақда Ташқи ишлар вазирлиги ахборот хизмати хабар берди.
Маълум қилинишича, Нью Йорк шаҳрида икки мамлакатнинг Бирлашган Миллатлар Ташкилотидаги доимий вакиллари тегишли коммюникени имзолаган.
Суринам — Жанубий Америкада жойлашган давлат. Суринамнинг майдони тахминан 163 820 квадрат километрни ташкил этади. Аҳолиси эса 600 000 нафардан ортиқ (2023 йил ҳолатига). Мамлакатда кўп миллатли аҳоли яшайди, уларнинг орасида ҳиндлар, африкаликлар, европаликлар ва бошқалар мавжуд. Суринамнинг иқтисодиёти асосан табиий ресурсларга, хусусан, олтин, алюминий, нефть ва кўмирга таянган. Қишлоқ хўжалиги, хусусан, шакарқамиш ва какао экинлари ҳам муҳим рол ўйнайди. Мамлакатда олтин қазиб олиш саноати ривожланмоқда.
Изоҳ (0)