Rossiya Qurolli kuchlari Ukraina harbiylari tomonidan bosib olingan Kursk viloyati hududining qariyb 64 foizini o‘z nazoratiga qaytardi. Bu haqda Rossiya Qurolli kuchlari Bosh shtabining Operativ boshqarmasi boshlig‘i, general-polkovnik Sergey Rudskoy xabar berdi.
-RVm5WFg2.jpg)
Ukraina Qurolli kuchlari nazorati ostidagi Kursk viloyati hududi ikki baravardan ko‘proq qisqartirildi. 800 kvadrat kilometrdan ortiq hudud ozod qilindi, bu dushman egallab olgan dastlabki hududning (1 268 kvadrat kilometr) qariyb 64 foizini tashkil etadi, dedi u.
Rudskiyning da’vosiga ko‘ra, hozirda Rossiya qo‘shinlari Kursk viloyatida barcha yo‘nalishlarda oldinga siljimoqda, Ukraina armiyasi esa “katta yo‘qotishlarga uchrab, o‘z pozitsiyalaridan chekinmoqda”.
Boshqa narsalar qatorida, rossiyalik general 2024-yilda Ukrainaning urushdagi yo‘qotishlari bo‘yicha Rossiya hisob-kitoblarini ham keltirdi:
590 ming harbiy halok bo‘lgan va yaralangan, dedi u.
Taqqoslash uchun: 4-fevral kuni Ukraina prezidenti Vladimir Zelenskiy britaniyalik jurnalist Pirs Morganga bergan intervyusida uning mamlakati Rossiyaga qarshi mudofaa urushida 45 100 nafar harbiyni yo‘qotganini aytgandi. Bundan tashqari, 390 ming yarador qayd etilgan.
Rossiyaning yo‘qotishlariga kelsak, Zelenskiyning so‘zlariga ko‘ra, Ukrainaga bosqin paytida 350 mingga yaqin rossiyalik halok bo‘lgan, yana 600-700 ming kishi yaralangan.
Izoh (0)