Россия 2023 йилда «ҳал қилувчи стратегик ҳаракат»ларни амалга ошириш учун бир нечта сценарийларига таяниши мумкин. Урушни ўрганиш институти (ISW) таҳлилчилари бу бўйича маълумот берди.
Таҳлилчиларга кўра, Россия урушни чўзиш ғоясидан воз кечмайди.
«Кремлнинг 2023 йилдаги стратегик ҳаракатларга тайёргарлик кўриш режаси узоқ давом этадиган уруш шароитини яратишни истисно этмайди. ISW Россиянинг Украинадаги урушда ғалаба қозониш учун ‘сўнгги уринишини’ башорат қилмайди. Уруш тугамайди»,— дейди экспертлар.
Биринчи сценарийга кўра, 2023 йилда рус қўшинлари Луганск вилоятида йирик ҳужум уюштиришга ҳаракат қилиши мумкин. Ҳозирда Путин режими Донецк ва Луганск вилоятларини тўлиқ босиб олишни Кремлнинг ҳарбий мақсади деб атамоқда. Донецк ва Луганск вилоятлари логистик жиҳатдан энг осон босиб олинадиган ҳудудлар экани инобатга олинса, бу Россиянинг эриша оладиган мақсадларидан биридир.
Шу билан бирга, ISW таҳлилчилари Россия армияси Украина жанубида Херсон ёки Запорожье вилоятларига ҳужум бошлаши даргумон деб ҳисоблайди.
Иккинчи сценарийга кўра, Россия Украинанинг қарши ҳужумини енгиш учун мудофаа операциясини тайёрлайди. Украина қуролли кучлари 2023 йилда қарши ҳужумга ўтишни режалаштираётган экан, Россия Харьков вилоятидаги мағлубият ёки Херсонни йўқотиш каби яна бир муҳим мағлубиятдан қочишга интилмоқда.
Шу мақсадда 2022 йил охирида жанубий Херсон йўналишидан Луганск вилоятига муҳим ҳарбий қисмларни қайта жойлаштирилган, Луганск вилояти, Россиянинг Белгород ва Курск вилоятларида дала истеҳкомларини яратилган.
ISW таҳлилчилари рус армияси Украинанинг қарши ҳужумини муваффақиятли мағлуб этиш ва украин ҳарбийларининг муҳим қисмини йўқ қилиш орқали Украинани урушда ғолиб бўлиш ташаббусидан маҳрум қилишни хоҳлашини айтмоқда.
Россия армияси муваффақиятга эришса, «тартибсиз ва заифлашган Украина кучларидан фойдаланиш учун қарши ҳужумни ривожлантириши мумкин».
«Россия қўшинлари умумий ҳужум операциясини ўтказмасдан туриб, йирик ҳужум операциясига ёки ташкиллаштирилмаган ҳужумларни бошлаши мумкин», — дея хулоса қилган таҳлилчилар.
Мавзуга доир:
Изоҳ (0)