Британия ҳарбий разведкаси Украинадаги уруш бўйича кунлик шарҳида Россия қўмондонлиги фронт чизиғидан узоқда мудофаани кучайтиришда давом этаётганини ёзди.
Шарҳ муаллифларининг сўзларига кўра, Қрим шимолида — Армянск яқинида — аннексия қилинган ярим оролни Херсон вилояти билан боғловчи тор қуруқлик кўприги бўйлаб кенг кўламли мудофаа чизиғи ўрнатилган.
Буюк Британия Мудофаа вазирлиги Россия ўрнатган мудофаа чизиғининг сунъий йўлдошдан олинган тасвирларини эълон қилди, унда ҳар бири тахминан 9 километр узунликдаги иккита истеҳком чизиғи ва улар орасидаги ҳаракатланишга мўлжалланган хандақларни кўриш мумкин.
Британия разведкасининг фикрича, Россия ҳукумати мудофаага алоҳида эътибор қаратмоқда, чунки улар Украина Қуролли кучларининг аннексия қилинган ярим оролга ҳужум бошлашидан қўрқади, Қрим устидан назоратни сақлаб қилиш Россия раҳбарияти учун асосий сиёсий устуворликлардан бири ҳисобланади.
- Май ойи бошида Буюк Британия Мудофаа вазирлиги Россия ўнлаб йиллар давомида Қримда ҳам, Белгород ва Курск вилоятларининг чегара ҳудудларида ҳам дунёдаги энг йирик мудофаа тизимларидан бирини қурганини маълум қилганди.
Изоҳ (0)