“Liverpul” klubi “Nyukasl”ning markaziy hujumchisi Aleksander Isak xizmatlariga qiziqish bildirmoqda. Bu haqda jurnalist Ekrem Konur ijtimoiy tarmoqlardagi sahifasida xabar bermoqda.
Arne Slot jamoasi mavsum yakunida Darvin Nunyesni almashtirishni xohlaydi va allaqachon o‘z transfer maqsadlarini belgilagan. 25 yoshli Isak “Liverpul”ning markaziy hujumchi pozitsiyasini kuchaytirish uchun asosiy nomzodlaridan biri sifatida ko‘rilmoqda.
Joriy mavsumda shved hujumchisi barcha turnirlarda 28 ta o‘yinda maydonga tushib, 19 ta gol va 5 ta golli uzatma muallifiga aylangan. Futbolchining amaldagi shartnomasi 2028-yil yoziga qadar mo‘ljallangan. Transfermarkt portali ma’lumotlariga ko‘ra, uning bozor qiymati 75 million yevroni tashkil etadi.
Avvalroq “Liverpul” klubi Muhammad Salohga Saudiya klublari qiziqishlari ortgani bois yangi shartnoma ishlab chiqayotgani haqida xabar berilgandi.
Izoh (0)