Наманганда 61 нафар фарзанд ота-онасига алимент тўлаб келмоқда. Бу ҳақда МИБ Наманган вилоят бошқармасида бўлиб ўтган матбуот анжуманида маълум қилинди, дея хабар бермоқда “Дарё” мухбири Азизбек Абдувалиев.
Фото: Оқилхон Мамажонов
Жумладан, бюронинг Чуст туман бўлими иш юритувида 17 та, Наманган шаҳрида 7 та, Мингбулоқ туманида эса 5 та шу мазмундаги ҳужжат мавжуд ва ундириб берилмоқда.
Ота-онасига алимент тўловчиларнинг 44 нафарини эркаклар, 17 нафарини эса аёллар ташкил этмоқда.
Фото: Оқилхон Мамажонов
Шунингдек, Наманганда 36 нафар она фарзанди учун алимент тўламоқда. Улар орасида тўловлардан бўйин товлаётганлар ҳам учрамоқда.
Фото: Оқилхон Мамажонов
Жумладан, фуқаролик ишлари бўйича Наманган туманлараро судининг ҳал қилув қарорига кўра, қарздор Д.Й.дан ундирувчи Р.Р. фойдасига бир нафар фарзанди учун алимент ундириш белгиланган. Ушбу ҳужжат бюронинг Наманган туман бўлими иш юритувига келиб тушган ва ҳаракатлар олиб борилган. Бироқ она фарзанди моддий таъминотидан бўйин товлагани учун дастлаб 15 сутка маъмурий қамоқ жазоси белгиланган. Шундан сўнг ҳам тегишли хулоса қилмаган ва қарздорликни тўламаган. Унга нисбатан Жиноят кодексининг 122-моддаси билан иш қўзғатилиб, жазо муқаррарлиги таъминланди.
Изоҳ (0)