Мажбурий ижро бюроси Наманган вилоят бошқармаси томонидан фуқароларга етказилган зарарни ундириш билан боғлиқ судлардан келган ҳужжатлар ижросини таъминлаш борасида тегишли чора-тадбирлар кўриб келинмоқда.
Жумладан, 2022 йилнинг ўтган даврида бошқарма томонидан 104,4 миллиард сўмлик 3.113 та ҳужжатлар кўриб чиқилди.
Олиб борилган ижро ҳаракатларида давомида 61 миллиард сўмлик 1.518 та ижро ҳужжати тамомланган, 549 та ижро ҳужжати бўйича фуқароларга 15,4 миллиард сўм зарар ундириб берилган.
Шунингдек, бошқарма қидирув шўъбаси томонидан олиб борилган тезкор тадбирлар давомида 2022 йилнинг 7 ойида 229 нафар алимент тўлашдан бўйин товлаб келаётган қарздорлар, шунингдек, 48 та автотранспорт воситалари топилган.
Мисол учун, бюронинг Уйчи туман бўлими иш юритувида фуқаролик ишлари бўйича Учқўрғон туманлараро судининг ҳал қилув қарорига кўра даъвогар С.Акбаровга жавобгар О.Мадраҳимов ва бошқалардан 110 780 000 сўм қарз ундириб бериш кўрсатиб ўтилган.
Амалдаги тартибга кўра, жавобгарларга қарздорликни тўлаб қўйиши учун ихтиёрий муддат берилган.
Бироқ, бунга масъулиятсизлик билан қаралиб, қарздорлик 15 кунлик муддатда қопланмади.
Ўз ўрнида, давлат ижрочиси томонидан тегишли ташкилотларга жавобгарга тегишли мол-мулклар, транспорт воситалари бор йўқлиги юзасидан сўров юборилди.
Олинган маълумотларга кўра, қарздор номида енгил автотранспорт борлиги аниқланди.
Олиб борилган ҳаракатлар давомида мазкур транспорт воситаси хатланиб, ҳозирда реализация қилиш чоралари кўрилмоқда.
Изоҳ (0)