Наманган шаҳрида алимент тўламай, яшириниб юрган эркак тунги клубдан топилди. Бу ҳақда МИБ ахборот хизмати “Дарё”га хабар берди.
Маълум қилинишича, турмуш ўртоғи қарамоғида қолган 3 нафар вояга етмаган фарзанди таъминоти учун алимент тўламай, суд қарорида кўрсатилган мажбуриятдан бўйин товлаб, яшириниб юрган юрган Д.И. тунги клубдан топилди.
Қарздорлик салкам 2021 йилнинг мартидан 2024 йилнинг январь ойига қадар 50 миллион сўмдан ортган. Бюронинг Наманган шаҳар бўлими томонидан унга нисбатан қидирув эълон қилинган эди. Куни кеча ички ишлар органлари ходимлари билан олиб борилган тунги тадбир давомида қарздор ота тунги клубдан топилди. Унга нисбатан маъмурий жазо қўлланилди. Суднинг қарорига асосан у 15 суткалик қамоқни ўтказадиган бўлди.
Изоҳ (0)