Наманганда 2022 йил давомида қарздорлардан жами 104 миллиард сўм алимент пуллари ундирилди. Бу ҳақда МИБ вилоят бошқармаси бошлиғи Беҳзод Мирзааҳмедов маълум қилди, дея хабар беради “Дарё” мухбири Азизбек Абдувалиев.
Алимент тўлашдан бўйин товлаган 851 кишига нисбатан маъмурий, 63 нафар қарздорга нисбатан эса жиноят ишлари қўзғатилди.
2022 йил март ойида “Алимент тўловлари” давлат мақсадли жамғармаси ташкил этилиб, унга МИБ ривожлантириш жамғармаси маблағларидан республика бўйича 50 миллиард сўм ажратилганди. Вилоятда мазкур жамғарма ҳисобидан вояга етмаган фарзандини моддий таъминлашдан бўйин товлаганлик учун жиноий жавобгарликка тортилганлардан 8 нафарининг оиласига 209 миллион сўм тўлаб берилди.
“Қарздорлардан бири икки нафар вояга етмаган фарзандининг моддий таъминоти учун алимент тўловларини тўламаганлиги боис дастлаб маъмурий жазога тортилганди. Шундан сўнг ҳам хулоса чиқармаганлиги учун жиноят ишлари бўйича Тўрақўрғон туман суди ҳукмига асосан айбли деб топилиб, етказилган 45,9 миллион сўм миқдоридаги зарар ундириши белгиланган. Айнан янги ташкил этилган жамғарма ҳисобидан алимент тўлови ундирувчи номига очилган пластик картага ўтказиб берилди”, —дейди бошқарма катта инспектори Азимжон Бойдедаев.
Маълумот учун, 2022 йилда МИБ Наманган вилоят бошқармаси томонидан 2349 нафар ишсиз алимент тўловчининг бандигини таъминлашга эришилди.
Изоҳ (1)
Assalomu aleykum. Undirgani yaxshiku lekin, ayollarga erkaklarni dodlatib undirilayotgan puli asosan moddiy ehtiyoj emas erkaklarga jazo bõlib qolmayaptimikin. Ayrim ayollar ajrashidan qõrqmaydi. Chunki davlat bularga keng imkoniyatlar berib qõyibti. Ayol nohaq bõlsa hamki, ayol õzi xoxlab (yoki shantaj yõli bilan) ajrashadi lekin erkak jabrini kõradi. Aliment belgilash, tõlash kabi masalalar bizda bir tomonlama. Erkakni himoya qiladigan tizim umuman yõq. Agar erkaklarni ham himoya qilinadigan biror norma yoki qonun bõlganida, oilalar ajrimi bundan kamroq bõlardi