Ипак Йўли Банки Европа Тикланиш ва Тараққиёт Банки (ЕТТБ) томонидан ташкил этилган Green Economy Financing Facility (GEFF) дастурининг якуний натижаларига бағишланган маросимда бирданига иккита нуфузли мукофотга сазовор бўлди.
Ушбу мукофотлар — “GEFF Uzbekistan билан биргаликда иқтисодиётдаги углерод изини камайтиришдаги ҳисса учун” ҳамда “Green TFP доирасидаги энг яхши технологик лойиҳа” — банкнинг экологик ва энергия тежамкор ечимларни ривожлантиришга қўшаётган ҳиссасини эътироф этади.
Ипак Йўли Банки вакили “Ўзбекистонда яшил иқтисодиётга ўтиш: тараққиёт, қийинчиликлар ва кейинги қадамлар” мавзусидаги сессияда иштирок этди. Муҳокама давомида “яшил” технологияларни жорий этиш, энергия тежамкор ташаббусларни қўллаб-қувватлаш ва экологик жиҳатдан барқарор иқтисодиёт шакллантириш борасидаги асосий йўналишлар таъкидланди.
ЕТТБ томонидан бирданига икки мукофот олиш — банкимиз учун барқарор келажак сари муҳим қадамдир. Энергияни тежаш ва “яшил” технологиялар соҳасидаги ташаббусларимиз юксак баҳолангани бизни мамнун этади. Келажакда ҳам экологик лойиҳаларни кенгайтириб, бутун мамлакат тараққиётига ҳисса қўшиш ниятидамиз, дея қайд этдилар банк Ипак Йўли Банки раҳбариятида. Ипак Йўли Банки экотизим ва энергия тежамкорлиги соҳасидаги фаолиятини юксак қадрлагани учун ташкилотчилар ҳамда ҳамкорларга миннатдорлик билдиради. Келгусида банк “яшил” лойиҳаларни ривожлантиришни, шунингдек, халқаро институтлар билан ҳамкорликни мустаҳкамлашни режа қилган бўлиб, шу орқали Ўзбекистоннинг барқарор ривожланишига улкан ҳисса қўшишни мақсад қилган.
GEFF дастури доирасида ЕТТБ билан ҳамкорлик тарихи:
- 2019 йил 10-сентябрь. Ипак Йўли Банк ва ЕТТБ ўртасида 5 млн АҚШ доллари миқдоридаги биринчи битим имзоланди. Ушбу маблағ кичик ва ўрта бизнес (КЎБ) лойиҳаларини молиялаштиришга йўналтирилиб, юқори самарали ва энергия тежамкор технологиялар ҳамда қайта тикланадиган энергия манбаларидан фойдаланишни рағбатлантиришни мақсад қилган.
- 2022 йил 1 декабрь. GEFF доирасида энергия тежамкор КЎБ лойиҳаларини молиялаштиришни давом эттириш учун 6 млн АҚШ доллари (ўзбек сўми эквивалентида) бўйича иккинчи битим имзоланди.
- 2023 йил 1 декабрь. GEFF II битими имзоланди: 20 млн АҚШ доллари ҳажмидаги янги маблағ банкнинг “яшил” портфелини кенгайтириш ва экологик тоза технологияларни фаол жорий этишга хизмат қилади.
Қўшимча маълумот учун:
Телефон: +998 (78) 140-69-00
Telegram: @ipaksupport
Elektron pochta: info@ipakyulibank.uz
Реклама ҳуқуқи асосида.
Изоҳ (0)