Украинадаги урушни якунлаш бўйича ёзгача жиддий музокаралар бошланмаса, Украина мавжудлиги хавф остида қолиши мумкин. Бу ҳақда Украина разведкаси раҳбари Кирилл Буданов маълум қилди.
Маълум қилинишича, яқинда Украина Олий Радасида ёпиқ учрашув ўтказилган. Парламент ва фракциялар раҳбарлари урушнинг ҳақиқий аҳволини тушуниш мақсадида Мудофаа кучлари қўмондонлигини таклиф этган. Бош штаб вакиллари кўп ва бир оз чалкаш маълумотлар берган. Бироқ Кирилл Будановнинг жавоби ҳаммадан кўра кўпроқ эсда қолган.
Кимдир ундан яна қанча вақтимиз борлигини сўради. Кирилл ўзининг совуқ табассуми билан ‘Агар ёзгача жиддий музокаралар бошланмаса, бундан кейин Украинанинг мавжудлиги учун жуда хавфли жараёнлар юзага келиши мумкин’, деди. Ҳамма бир-бирига қараб, жим бўлиб қолди, дейди манба.
2022 йил октябрида Владимир Зеленский Миллий хавфсизлик ва мудофаа кенгашининг Владимир Путин билан музокаралар ўтказиш имкониятини истисно қилувчи қарорини кучга киритди.
2025 йил январида Зеленский шундай фармон имзолаганини маълум қилди. Чунки Путин Украинага таъсир ўтказиш мақсадида бошқа давлатлар вакиллари билан кўплаб музокара йўлларини ўрнатишни бошлаганди. Президентнинг сўзларига кўра, шу йўсин мамлакатда сепаратизмни тўхтатишга эришилди.
2025 йилда Bloomberg нашрига берган интервьюсида президент агар Украина урушни тўхтатиш имкониятига эга бўлса, Россия президенти Владимир Путин билан тўғридан-тўғри музокараларга бориши мумкинлигини айтганди. У, айниқса, АҚШ президенти Дональд Трамп кўмагида тинчликка эришишга умид қилишини ва у “Украина учун ортга қайтмас хавфсизликни кафолатлай олишини” таъкидлаган.
Кремль 2024 йил давомида Украина билан тинчлик музокараларига тайёрлигини оммавий равишда эълон қилди, бироқ бир қатор шартларни илгари сурди. Масалан, 2022 йилги Истанбул келишувларига ишора, “ердаги ҳақиқий вазиятни” ёки Путиннинг июнь ойидаги ультиматумини инобатаг олиш каби.
19 декабрдаги тўғридан-тўғри мулоқот чоғида Путин Россия музокараларга тайёр эканини яна бир бор айтди. Аммо у тинчлик шартномасини “фақат қонуний ҳокимият билан” имзолашини ва президент Владимир Зеленскийни бундай деб ҳисобламаслигини билдирди.
♦ Украинанинг урушни тугатиш шартлари
Украина қўшинларни 1991 йил чегараларига олиб чиқишни назарда тутувчи “тинчлик формуласи”ни амалга оширишни талаб қилмоқда. Гап 2014 ва 2022 йилларда Россия томонидан у ерда ўтказилган “референдумлар” ва Украинанинг Қрим, Донецк, Луганск, Херсон ва Запорожье вилоятлари ноқонуний аннексия қилингани ҳақида кетмоқда. Москва “тинчлик формуласи” асосида музокаралар олиб бориш имкониятини истисно қилади.
♦ Россия шартлари
Путин ўт очишни тўхтатиш учун ўз шартларини илгари сурди, жумладан, Украина қўшинлари ўзини ўзи мустақил деб эълон қилинган ДХР, ЛХР, Херсон ва Запорожье вилоятларидан олиб чиқилиши, ушбу тўртта ҳудуд ва Қрим гўёки халқаро миқёсда Россиянинг бир қисми сифатида тан олиниши, Украинанинг НАТОга аъзоликдан воз кечиши ва санкцияларни олиб ташлаш. Зеленский бу таклифни “ишониб бўлмайдиган” ультиматум деб атади.
Изоҳ (0)