Аввалроқ Тожикистон маданият вазири Матлубахон Сатториён Американинг CNN телеканалининг Абу Али ибн Сино ўзбек олими сифатида тилга олинган материалига муносабат билдириб, Ибн Синонинг тожиклигини даъво қилганди. Ўзбекистон журналистика ва оммавий коммуникациялар университети ректори Шерзодхон Қудратхўжа ушбу ҳолат бўйича изоҳ берди.
Шерзодхон Қудратхўжа Тожикистон маданият вазири Матлубахон Сатториёнга ўзбек-тожик дўстлиги кўп минг йилга бориб тақалишини эътироф этиб, ўз ҳурматини изҳор қилган.
Аммо буюк файласуф Суқрот айтганидек, Афлотун маним дўстим, бироқ ҳақиқат устундир. Биринчидан, Марказий Осиё давлатлари энди ҳақиқатдан ҳам бирлашаётган бир тарихий пайтда, ўзаро чегаралар очилиб, барча соҳаларда мукаммал ҳамкорлик ривожланаётганда барчамиз айтаётганимизни етти ўлчаб бир кесиб гапиришимиз керак, албатта”, деб ёзади ЎзЖОКУ ректори.
Қудратхўжа шу мавзуда баҳс очилган экан, минтақа тарихини пухта ўрганганда, IX-Х асрларда минтақада Ўзбекистон, Қозоғистон, Тожикистон ёки Қирғизистон деб тавсифланиш бўлмаганини эътироф этган.
У ўша замонлардаги илм-фаннинг ва маърифатнинг юксалиши, ренессанс даврининг чўққига чиқишининг бош омилларидан бири минтақадаги бир жўғрофий ҳудуд қамровидаги яратилган эркин муҳит бўлганини таъкидлади.
Бугунги кунда интернетнинг исталган қидирув тизимига мурожаат қилсангиз, Абу Али Ибн Сино қайси мамлакат фарзанди деганда: Абу Али Ибн Сино (980-1037), машҳур табиб, файласуф, математик ва олим, Бухоро ёнида туғилган. Унинг туғилган жойи ҳозирги кунда Ўзбекистон ҳудудига тўғри келади. Шу сабабли Ибн Сино Марказий Осиё фарзанди ҳисобланади, дея қўшимча қилади Қудратхўжа.
Шунингдек, Шерзодхон Қудратхўжа Абу Али Ибн Синонинг миллати тўғрисидаги савол қанчалик ўринсиз бўлса-да, бундай ёндашув икки томонлама муносабатларга салбий таъсир қилмай қолмаслигини алоҳида ёзди.
Ва шубҳасиз, учинчи тараф бундай ҳоллардан ўзининг ғараз мақсадларида фойдаланади. Биз бугун катта минтақада яшар эканмиз, илм-фан, адабиёт, маърифат соҳасида чўққига чиққан улуғ олимларни сеники, меники демасдан бир заминда яшаган боболаримизнинг муносиб фарзандлари бўлишимиз керак, дея қўшимча қилган сиёсий фанлар доктори.
Изоҳ (1)
U qaysi millat boʻlishidan qatʼiy nazar u bizning bobomiz bizda oʻsha davrdagidek ilmga etibor boshqa joyda boʻlmagan bo'lmaydi ham chunki ashi davrda din bilan dunyoviy ilmni qoʻsha olganmiz bu tojikning madaniyat vazirining gapi huddiki bolani oʻgay ona tarbiyalaydida keyin yigirma yildan keyin haqiqiy onasi kelsa bola haqiqiy onasiga yaqin ham yoʻlagisi kelmaganidek gap bu tojik vaziri aqlini ishlatmagan