Журналистика ва оммавий коммуникациялар университети ректори Шерзодхон Қудратхўжа AlterEgo лойиҳасига берган интервьюсида бош вазир матбуот котиби лавозимида ишлаган даврлари ҳақида гапириб берди.
“У вақтда бош вазир оммавий шахс эмас эди. Уни телевизор орқали умуман кўрсатиш мумкин эмасди, у ҳақда ҳеч нарса ёзилмас, гапирилмас эди. Профессионал матбуот котиби сифатида ишлаган мен каби инсон у ерда ишлай олмаслигимни билиб юборишди.
Март ойининг бошларида ҳукуматга ўзимга келганимда улар нима ишлар қилишини, бош вазир қанақа масалалар билан шуғулланишини кўргач, 5 йил у ерда (президент аппаратида — таҳр.) ҳеч иш қилмаганимни тушундим… Чунки ўша йили қаердадир зилзила бўлганди, бош вазир у ерга учиб кетиб, муаммони ҳал қиляпти, яна қаердадир техноген фалокат юз беряптими, бош вазир ўша ерда. Масалан, аҳолини, дейлик, гўшт, газ, электр билан таъминлаш масалалари… бош вазирнинг ҳамма тадбирлари режасига дақиқама-дақиқа киритилган эди. Мен бу оқимга қўшилдим, ишимдан завқ ола бошладим, чунки мен унинг нима қилаётганини кўрардим”, — дея эслайди Шерзодхон Қудратхўжа.
Унинг сўзларига кўра, Шавкат Мирзиёев ҳеч қачон кабинетда ўтирмаган. Бир сафар Ўзбекистоннинг биринчи президенти хорижга учиб кетганида, бош вазир оддий машинага ўтириб, Чилонзорга жўнаб кетган.
“Ёрдамчиси қўнғироқ қилиб, Шерзод, Чилонзорга келинг, деди. Етиб борганимда уларни танимай қолдим, (бош вазир) ертўлага тушган, ҳамма жойдан сув оқиб ётибди. Шерзод, буни буни тасвирга ол, дедилар. Шундан кейин барча туманларнинг ҳокимларини тўплаб, Чилонзорнинг бу еридан сув оқяпти, бу ернинг том қисмига шикаст етган, бу ерда электр энергияси йўқ, деб барча масалалар билан шуғулландилар”, — дейди у.
Аввалроқ Шерзодхон Қудратхўжа битта материали телевидение орқали эфирга узатилмаслиги учун 50 минг доллар пул таклиф қилишгани ҳақида айтиб берганди.
Изоҳ (0)