Ўзбекистон элчиси Россия ТИВга чақиртирилди. Бу ҳақда Россия Ташқи ишлар вазирлиги ахборот хизмати хабар берди.
Унга кўра, Ўзбекистон элчиси Журналистика ва оммавий ахборот коммуникациялари университети ректори Шерзодхон Қудратхўжанинг ўзбек тилини билмайдиган мамлакат аҳолиси ҳақида айтган сўзларига норозилик билдириш учун Россия Ташқи ишлар вазирлигига чақирилди.
Қайд этилишича, бундай мулоҳазалар Россия ва Ўзбекистонни боғловчи чуқур стратегик шериклик ва иттифоқчилик муносабатларига мутлақо зид. Вазирлик яқин кунларда Ўзбекистон Ташқи ишлар вазирлиги ушбу баёнотларга расмий изоҳ тақдим этишини кутмоқда.
“Ишончимиз комилки, мамлакатларимиз халқлари ўртасида жанжал қилиш учун ичкаридан ёки ташқаридан қилинган ҳар қандай уринишлар муваффақиятсизликка учрайди”, — дея қўшимча қилди Россия ТИВ.
Журналистика ва оммавий коммуникациялар университети ректори Шерзодхон Қудратхўжа AlterEgo лойиҳасига берган интервьюсида ўзи яшаётган мамлакат тилини билмайдиганлар “босқинчи ёки аҳмоқ” бўлишини айтганидан сўнг “Россотрудничество” у билан барча алоқаларни тўхтатди.
Изоҳ (0)