Kataloniyaning “Barselona” hujumchisi Robert Levandovski Chempionlar Ligasi umumiy bosqichining 7-turida “Benfika”ga qarshi o‘yinda (5:4) ikki marta penaltidan gol urib, musobaqa tarixida eng ko‘p 11 metrlik jarima zarbasidan samarali foydalangan futbolchilardan biri bo‘ldi. Bu haqda Opta Sport xabar bermoqda.
Manbaga ko‘ra, 36 yoshli polyak hujumchisi musobaqada penaltidan 19-golini kiritib, portugaliyalik hujumchi Krishtianu Ronalduning ko‘rsatkichiga tenglashdi.
Futbolchi 18 ta gol kiritgan argentinalik hujumchi Lionel Messini ortda qoldirdi.
Joriy mavsumda Robert “Barselona” safida barcha musobaqalarda 29 ta o‘yinda maydonga tushib, 28 ta gol va 3 ta samarali uzatma amalga oshirdi. Transfermarkt portali ma’lumotiga ko‘ra, futbolchining bozor qiymati 15 million yevroni tashkil qiladi.
Izoh (0)