АПЛ. “Манчестер Юнайтед” “Астон Вилла” устидан иродали ғалабани қўлга киритди

Футбол бўйича Англия Премьер Лигасининг 19-турида “Манчестер Юнайтед” 26 декабрь, сешанба куни “Астон Вилла”га қарши баҳс олиб борди.

Учрашувнинг 21-дақиқасида Жон Макгин “Астон Вилла”ни ҳисобда олдинга олиб чиқди. Орадан 5 дақиқа ўтиб, Леандер Дендонкер ҳисобни ишончли кўринишга олиб келди.

Иккинчи бўлимда манкунианликлар Алехандро Гарначонинг дубли эвазига мувозанатни тиклади. Аргентиналик футболчи дастлаб 59-дақиқада дарвозани ишғол қилган бўлса, 71-дақиқада яна бир бор ўз ҳисобига гол ёздириб қўйди. 82-дақиқада Расмус Ҳейлунд бурчакдан оширилиб берилган тўпни ўзига ўнглаб олиб, дарвозага жойлаб қўйди.

Қолган дақиқаларда дарвозалар ишғол этилмади ва “қизил иблислар” 3:2 ҳисобида ғалаба қозонди.

АПЛ

19-тур

26 декабрь, сешанба

“Манчестер Юнайтед” — “Астон Вилла” 3:2

Голлар: 0:1 – 21 Макгин, 0:2 – 26 Дендонкер, 1:2 – 59 Гарначо, 2:2 – 71 Гарначо, 3:2 – 82 Ҳейлунд.

“Манчестер Юнайтед”: Онана, Уан-Биссака, Эванс, Варан, Диогу Далот, Эриксен, Бруну Фернандеш, Майну (Мактоминей, 81), Гарначо, Рэшфорд (Антони, 80), Ҳейлунд.

“Астон Вилла”: Мартинес, Конса, Диего Карлос, Лангле, Дин (Moreно, 50), Ироэгбунам, Макгин, Дендонкер, Бэйли (Заниоло, 77), Дуглас Луис, Ремзи (Диаби, 77), Уоткинс.

Огоҳлантиришлар: Ремзи (45), Бруну Фернандеш (73), Диего Карлос (74).