“Манчестер Юнайтед”дан навбатдаги ғалаба. Ҳейлунддан эса рекордлар (видео)

Якшанба куни Англия чемпионати доирасида “Лутон Таун” - “Манчестер Юнайтед” учрашуви бўлиб ўтди.

“Қизил иблислар” ҳужумчиси Расмус Ҳейлунд дубль қайд этиб, жамоаси учун ғалабани таъминлади. Даниялик футболчи биринчи голни 37-секундда киритди. Бу “Манчестер Юнайтед”нинг Премьер Лига давридаги энг тез урилган сафардаги голи ҳисобланади. Қолаверса, Ҳейлунд “Манчестер Юнайтед”нинг энг тезкор дублига ҳам эришди. Иккита гол уриш учун ҳужумчига 7 дақиқа кифоя қилди. 

21 ёшли ҳужумчи кетма-кет олтинчи ўйинда гол урди ва бу натижа билан ҳам у тарихга кирди. Ҳейлунд Премьер Лига тарихида бундай натижага эришган энг ёш футболчига айланди. 

“Лутон” – “Манчестер Юнайтед” 1:2

Голлар: 0:1 – 1 Ҳейлунд, 0:2 – 7 Ҳейлунд, 1:2 – 14 Моррис.

“Лутон” – Камински, Белл, Ошо, Менджи, Даути (Берри, 82), Баркли, Чонг (Кларк, 68), Локонга, Огбене, Вудроу (Таунсенд, 68), Моррис.

“Манчестер Юнайтед” – Онана, Диогу Далот, Варан, Магуайр (Эванс, 46), Шоу (Линделеф, 45), Каземиро (Мактоминей, 46), Бруну Фернандеш, Майну, Гарначо, Рэшфорд, Ҳейлунд (Амрабат, 86).

Огоҳлантиришлар: Вудроу (17), Шоу (20), Каземиро (34), Магуайр (42), Таунсенд (70), Майну (75), Линделеф (81), Ошо (87).