Футбол бўйича Англия Премьер Лигасининг 13-туридан ўрин олган ўйинлар 26 ноябрь, якшанба куни бўлиб ўтди.
“Манчестер Юнайтед” сафарда “Эвертон” меҳмони бўлди. Учрашувнинг 3-дақиқасида манкунианликлар футболчиси Алехандро Гарначо ажойиб гол уриб, ҳисобни очди. Биринчи бўлим 1:0 ҳисоби билан якунланди.
Иккинчи бўлимда ҳам “қизил иблислар” фаолликни туширмади ва 53-дақиқада пенальти ишлаб олди. Ушбу пенальтини Маркус Рэшфорд аниқ амалга оширди. 75-дақиқада Антони Марсял ҳам ўз номига гол ёздириб қўйди. Қолган дақиқаларда дарвозалар ишғол этилмади ва “Манчестер Юнайтед” 3:0 ҳисобида ғалаба қозонди.
Эрик тен Ҳаг шогирдлари очколари сонини 24 тага етказди ва 6-поғонага кўтарилиб олди.
“Тоттенҳэм” ўз майдонида “Астон Вилла”ни қабул қилди ва 1:2 ҳисобида имкониятни бой берди. “Астон Вилла” сафида Пау Торрес ва Олле Уоткинс гол урган бўлса, “шпорлар” таркибида Жовани ло Челсо ўз ҳисобига гол ёздириб қўйди.
“Астон Вилла” очколарини 28 тага етказди ва 4-ўринга кўтарилди. “Тоттенҳэм” эса 26 очко билан 5-поғонани банд этди.
АПЛ
13-тур
26 ноябрь, якшанба
“Эвертон” — “Манчестер Юнайтед” 0:3
Голлар: 0:1 – 3 Гарначо, 0:2 – 56 Рэшфорд (пенальти), 0:3 – 75 Марсял.
“Эвертон”: Пикфорд, Янг (Паттерсон, 73), Тарковски, Брентуэйт, Миколенко, Ҳаррисон, Гуйе, Дукуре, Гарнер, Келверт-Люин, Макнил (Данжума, 73).
“Манчестер Юнайтед”: Онана, Диогу Далот, Магуайр, Линделеф, Шоу (Уан-Биссака, 76), Бруну Фернандеш, Мактоминей, Майну (Амрабат, 72), Гарначо (Пелистри, 72), Марсял, Рэшфорд.
Огоҳлантиришлар: Янг (21), Дукуре (29).
“Тоттенҳэм” — “Астон Вилла” 1:2
Голлар: 1:0 – 22 Ло Чельсо, 1:1 – 45 Пау Торрес, 1:2 – 61 Уоткинс.
“Тоттенҳэм”: Викарио, Порро, Дэвис, Эмерсон, Удожи, Ло Чельсо (Велис, 86), Бентанкур (Ҳёйберг, 32), Кулусевски, Сон Ҳён Мин, Хил (Скипп, 71), Жонсон.
“Астон Вилла”: Мартинес, Кеш (Бэйли, 46), Конса, Диего Карлос, Пау Торрес, Дин, Макгинн (Ремзи, 90), Камара, Дуглас Луис, Диаби (Тилеманс, 46), Уоткинс (Дуран, 90).
Огоҳлантиришлар: Кеш (27), Камара (38), Макгинн (41), Уоткинс (82).
Изоҳ (0)