АҚШнинг сайланган президенти Дональд Трамп қуролли кучлар сафидаги барча трансгендер ҳарбийларни ишдан бўшатишга олиб келадиган фармон чиқаришни режалаштирмоқда. Бу ҳақда манбаларга таяниб, Тhе Times хабар берди.
Амалдаги ҳарбий хизматчилар орасида 15 мингга яқин трансгендер бор, улар тиббий кўрсаткичларга кўра хизматга яроқсиз деб топилгани учун ишдан бўшатилади. Янги фармон 2018 йил март ойида Трампнинг биринчи президентлик муддатида чиқарилган фармондан қатъийроқ бўлади. Амалдаги президент Жо Байден 2021 йил январь ойида ўзидан олдинги президентнинг қарорини бекор қилганди.
Ўшанда Трамп трансгендерларга армияга киришни тақиқлаган ва аллақачон хизмат қилаётган трансгендерлар фаолиятига тўсқинлик қилмаган. Аммо бу сафар қуролли кучларда карьера қилганлар ҳам ишдан бўшатилади.
Бу одамлар армия етарли даражада одам йиға олмаётган бир пайтда кетишга мажбур бўлади. Фақат денгиз пиёдалари корпуси ўз рақамларини бажармоқда ва фармон таъсир кўрсатадиган баъзи одамлар жуда юқори лавозимларни эгаллаган, дейди нашр суҳбатдоши.
Ҳарбий хизматдаги трансгендерларнинг аниқ сони маълум эмас. Бу Пентагоннинг махфийлик сиёсати ҳисобланади.
15 мингдан ортиқ ҳарбийнинг тўсатдан ишдан бўшатилиши, айниқса ўтган йили ҳарбийлар 41 минг янги аскар қабул қилиш режасини бажара олмаганини ҳисобга олсак, жанговар бўлинмаларга маъмурий юкни оширади, бўлинмаларнинг жипслигига путур етказади ва муҳим кўникмалар бўйича бўшлиқларни янада чуқурлаштиради, деди Замонавий Америка ҳарбийлари уюшмаси ижрочи директори Рейчел Бранаман.
У бу қарор билан боғлиқ молиявий харажатлар, шунингдек, раҳбарлик қобилиятларига эга тажрибали ходимларнинг йўқотилишини прогноз қилди. Уларнинг ўрнини тўлдириш учун эса “эҳтимол 20 йил ва миллиардлаб долларлар талаб этилиши” мумкин.
Изоҳ (0)