Украина Россия билан урушда мағлуб бўлса, бу АҚШнинг амалдаги раҳбари Жо Байденнинг “иккинчи Афғонистон” даражасидаги шахсий мағлубиятига айланади. Бу ҳақда Wаll Street Journal хабар берди.
Ҳозирда АҚШ Сенати Украинага 61 миллиард долларлик янги ҳарбий ёрдам пакетини маъқуллаш бўйича ҳалигача консенсусга эришгани йўқ. Вашингтон 7 декабрга ўтар кечаси тегишли овоз беришда муваффақиятсизликка учради.
Байден маъмурияти Конгресс томонидан босимга дучор бўлмоқда — Украина мавзуси Оқ уйни Мексика билан чегара хавфсизлигини мустаҳкамлашга рози бўлиши учун “спекулация қилинмоқда”, гарчи Украинани қурол-яроғ билан таъминлаш бўйича барча муддатлар деярли тугади, — деб ёзади WSJ.
Гап Вакиллар палатаси спикери Майк Жонсон ва бошқа республикачилар кучайтиришни талаб қилаётган ички иммиграция назорати ҳақида бормоқда.
АҚШ Конгресси Украина ва Исроилга молиявий ёрдам кўрсатиш масалалари бўйича ҳеч қандай келишувга эришмасдан расмий “қишки таътил”га ҳозирланди. Бу эса, АҚШ ўзининг ички муаммолари сабабли “тарихдаги бурилиш нуқтаси” вақтида Украина манфаатларига “хиёнат қилишга” йўл қўядими, деган асосий саволни юзага келтиради.
“Байден сешанба куни Америка тарихнинг муҳим палласида экани ҳақида огоҳлантирди, бу эса Европанинг келажагини белгилаши мумкин. У тўғри айтмоқда. Америка кўп қуроллар тақдим этмаса, Украина Владимир Путинга ютқазади. Йўқотишнинг бир натижаси беқарор Европа бўлади” — таъкидлайди ОАВ.
Яқинда Украинага кўпроқ ўқ-дорилар керак бўлади, Америка таъминоти эса камайиб бормоқда. Россия янги ишлаб чиқариш қувватларини ишга туширмоқда ва Ғарб қарорларидаги “қишки турғунлик” охир-оқибат Украинани қўллаб-қувватлашни бекор қилади.
Нашрнинг таъкидлашича, Украинада энди шаҳарларни Россия ҳаво ҳужумларидан ҳимоя қилиш учун мудофаа тизимлари етарли эмас.
“Бироқ Байден бу урушда ҳақиқатан ҳам Украинага томонда эканини ўз ҳаракатлари билан кўрсатишга шошилмаётганга ўхшайди”, — деб ёзади ОАВ.
У яқинда республикачиларнинг талабларини жиддий кўриб чиқа бошлади, гарчи бир неча ой олдин унинг маъмурияти Украина тақдири “савдолашиш” мавзусига айланишини билдирганди.
WSJ’нинг таъкидлашича, республикачилар АҚШнинг ички чегара хавфсизлигини яхшилашга ҳаракат қилишлари тўғри, чунки ҳар куни мамлакатга минглаб янги муҳожирлар келмоқда. Шу билан бирга, Конгресс Украинанинг қуролга бўлган эҳтиёжи кескинлашмагунга қадар тезда тўғри қарор қабул қилиши керак.
“Қурол етказиб бериш қанчалик секин бўлса, жанглар шунчалик узоқ давом этади ва Украинанинг жанг майдонида ташаббусни қўлга олиш эҳтимоли шунчалик камаяди. Украина танқидчилари Киев Россия билан музокара олиб боришини истайди, бироқ нега Путин ҳозир музокара олиб бориши керак, ахир у ғалаба қозониши мумкинлигига ишонади?”, — деб ёзади ОАВ.
Байден Украинанинг Россия билан урушдаги мағлубияти Қўшма Штатлар учун Кобулдаги мағлубиятга қараганда оғирроқ оқибатларга олиб келишини тушунмайди — бу “иккинчи Афғонистон” бўлади.
“Босиб олинган Украина Байден учун иккинчи Афғонистонга айланади. Кутилаётган стратегик зарар — Путиннинг ғалабаси, Хитойнинг илҳоми — Кобулдаги мағлубиятдан кўра ёмонроқдир. Республикачилар бунга аралашишни истамайдилар, агар Украина халқи икки йиллик урушда шунчалик кўп инсонни йўқотган бўлса, бунга аралашади”, — дея таъкидлайди нашр.
Изоҳ (0)