31 декабрь куни Falcon 9 ракетаси Starlink тизимининг глобал Интернет қамров тармоғининг орбитал туркумини тўлдириш учун 21 та мини-сунъий йўлдошлар партиясини орбитага муваффақиятли олиб чиқди.
Бу ҳақда SpaceX компаниясининг ижтимоий тармоқдаги саҳифасида хабар берилди.
“21 та Starlink сунъий йўлдоши орбитага олиб чиқилганини тасдиқлаймиз”, дейилади хабарда.
Ракета Флорида штатидаги Кеннеди номидаги коинот марказидан учирилди. Тахминан бир соат ўтгач, сунъий йўлдошлар ташувчи ракетадан ажралиб, орбитага чиқишди.
Шундан сўнг ракета Атлантика океанидаги Just Read the Instructions платформасига бошқариладиган вертикал қўнишни амалга оширди.
Эътиборли томони, мазкур ташувчи ракета 16 марта муваффақиятли тарзда учиш ва қўнишни амалга оширди.
CelesTrak нотижорат сунъий йўлдош кузатув компанияси маълумотларига кўра, айни пайтда паст Ер орбитасида 6400 га яқин фаол Starlink сунъий йўлдошлари мавжуд бўлиб, улар барча фаол сунъий йўлдошларнинг 62 фоиздан ортиғини ташкил қилади.
Изоҳ (0)