АҚШ Мудофаа вазирлиги америкалик ҳарбийларга хусусий компаниялар сунъий йўлдошларидан ҳарбий мақсадларда фойдаланиш имконини берувчи фуқаровий космик захира дастурини ишга туширди. Бу ҳақда DefenceОnе нашри хабар берди.
Хабарга кўра, SpaceX раҳбари Илон Маск 2022 йил охирида Украина армиясининг Россия қўшинларига қарши режалаштирилган зарбасини тўхтатиб қўйган ва у тўсатдан Starlink сунъий йўлдошларининг унда иштирок этмаслигига қарор қилган.
Украинада содир бўлган воқеа захиранинг яратилишига сабаб бўлди, ўша пайтда биз SpaceX билан шартнома тузмаган эдик, шунинг учун улар бизга ихтиёрий равишда ёрдам берди, натижада биз ундан ҳар доим ҳам фойдалана олмаганмиз, — дейди АҚШ Коинот кучлари тижорат бошқармаси раҳбари, полковник Ричард Найсли.
Бундай ҳодисалар такрорланмаслиги учун АҚШ Мудофаа вазирлиги хусусий компанияларни фуқаролик космик захиралари дастурига қўшилишга кўндиришни режалаштирмоқда.
АҚШ шартларига кўра, хусусий компаниялар АҚШ ҳарбийларига ўз сунъий йўлдошларидан ҳарбий мақсадларда фойдаланиш имкониятини тақдим этишлари ҳамда қуролли можароларда АҚШ иттифоқчиларини қўллаб-қувватлаши шарт.
Шу билан бирга, Найсли Пентагон дастурнинг потенциал иштирокчиларига қандай имтиёзларни таклиф қилмоқчи эканлигини очиқламаган ва бу масала ҳали ҳам ишлаб чиқилаётганини таъкидлаган.
Изоҳ (0)