Украина америкалик тадбиркор Илон Маск назорати остида, деб ёзди Швейцариянинг Neue Zrcher Zeitung (NZZ) газетаси. Мақола муаллифларининг фикрича, бу тадбиркорга тегишли бўлган Starlink сунъий йўлдош тармоғи туфайли содир бўлган.
Нашрнинг эслатишича, уруш бошида Маск ўзини “Украина раҳбари Владимир Зеленскийнинг ашаддий тарафдори” сифатида кўрсатган, бироқ кейинчалик тадбиркорнинг Украина можаросига қарашлари ўзгарган.
Starlink сунъий йўлдош тармоғи сайёравий қамровга эга бўлиб, ҳаммага интернетга кириш имконини беради, дея давом этди NZZ. Шу муносабат билан Илон Маск сунъий йўлдошларни қаерда, ким учун ва қачон фаоллаштиришни аниқлай олади. “Бу Украинадаги можарода яққол кўзга ташланади”, дейилади мақолада.
Октябрь ойи ўрталарида Россия президенти матбуот котиби Дмитрий Песков The Wall Street Journal нашрининг Илон Маскнинг Россия давлат раҳбари Владимир Путин билан мулоқоти ҳақидаги материалига изоҳ берди.
Кремль матбуот котиби уларнинг мунтазам алоқаларини рад этди ва Путин америкалик тадбиркор билан фақат бир марта гаплашганини маълум қилди.
Изоҳ (0)