Қозоғистон Илон Маскнинг SpaceX компаниясининг Starlink сунъий йўлдош интернетидан фойдаланишни қонунийлаштиради. Тегишли қонун парламентда икки ўқишда қабул қилинди ва Сенатга юборилди.
Ҳужжат алоқа бозорини ривожлантириш, рақамлаштириш ва мамлакатда қулай инвестиция муҳитини яратиш мақсадида ишлаб чиқилган.
Сенатга юборилган ҳужжатда 2026 йилгача геостационар бўлмаган спутниклар орқали алоқа технологияларини жорий этиш бўйича махсус регламент назарда тутилган. Депутатлар турли хорижий компанияларнинг бундай хизматларидан фойдаланишнинг ҳуқуқий модели зарурлигига эътибор қаратган.
Республика ва вилоят аҳамиятига молик автомобиль йўлларини интернет тармоғи билан таъминлаш мақсадида оптик толали алоқа линияларини қуриш бўйича қонунга ўзгартиришлар киритилиши кутилмоқда.
- Қозоғистондаги қишлоқ мактабларига ўрнатиш учун Starlink ускунасининг биринчи партияси олиб келинган.
- 2023 йилнинг декабрь ойида Starlink’нинг Ўзбекистонда ишга туширилиши икки йилга кечиктирилгани ҳақида хабар берилганди.
Изоҳ (0)