Қозоғистон Илон Маскнинг Starlink компаниясининг аналоги Amazon Kuiper сунъий йўлдош интернет хизмати билан шартнома имзолашни режалаштирмоқда. Бу ҳақда Рақамли ривожланиш, инновациялар ва аэрокосмик саноат вазири Жаслан Мадиевга таяниб Kazinform хабар берди.
![](/static/2024/09/05/photo_2024-09-05_17-43-46-BGAX4fUN.jpg)
Остона шаҳрида UNESCO томонидан ташкил этилган Марказий Осиёда рақамли инклюзивлик ва трансформация бўйича биринчи Осиё-Тинч океани вазирлар конференцияси бўлиб ўтмоқда, унинг якунлари бўйича турли келишувлар имзоланади.
Қозоғистонлик вазирнинг таъкидлашича, энг муҳимларидан бири Amazon Kuiper интернет хизматидир.
Amazon Kuiper — бу интернет билан таъминлаш учун сунъий йўлдош ечими, Starlink, ОnеWeb’нинг аналоги. Ўйлайманки, бу йўналишда рақобатни ривожлантириш орқали биз фуқароларга ҳамёнбоп нархда сифатли хизмат кўрсатишимиз мумкин, дейди Мадиев.
Ўтган йили Amazon Project Kuiper сунъий йўлдош интернет хизматларини жойлаштириш учун космик сунъий йўлдошларнинг дастлабки иккита прототипини муваффақиятли ишга туширган эди. Amazon жами 3200 дан ортиқ сунъий йўлдошларни жойлаштиришни режалаштирган. Бироқ яқинда компания Куипер тўлақонли лойиҳасини ишга туширишни 2024 йил охиригача қолдирган.
- Эслатиб ўтамиз, Остонада БМТнинг EСCАAR ташкилоти томонидан ташкил этилган рақамли инклюзия ва трансформация бўйича биринчи Осиё-Тинч океани вазирлар конференцияси бошланди.
- Унда Қозоғистон бош вазири Олжас Бектенов 2025 йил охирига қадар Қозоғистоннинг барча вилоят марказлари 5G тармоғи билан қамраб олинишини маълум қилган.
Изоҳ (0)