Ҳукумат қарори билан Автотранспортда йўловчи ташиш хизматлари сифатини баҳолаш методикаси тасдиқланди.
Ҳужжатда қайд этилишича, пезидентнинг “Ўзбекистон — 2030” стратегиясини амалга оширишга доир фармони ижросини таъминлаш ҳамда транспорт соҳасидаги устувор вазифаларни баражариш, аҳолига транспорт хизматлари кўрсатиш даражасини ошириш мақсад қилинган.
Методика қуйидагиларни назарда тутади:
- ҳудудларнинг жамоат транспорти билан таъминланганлик даражаси кўрсаткичларини белгилаш;
- ҳудудларнинг жамоат транспорти билан таъминланганлик даражасини аниқлаш;
- автотранспортда йўловчи ташиш хизматлари сифатини баҳолаш;
- автотранспортда йўловчи ташиш хизматлари сифати бўйича ҳудудларнинг рейтингларини белгилаш.
Икки йилда бир марта 1 февралгача Транспорт вазирлиги томонидан автотранспортда йўловчи ташиш хизматлари сифатини баҳолаш дастури тасдиқланади.
Автотранспортда йўловчи ташиш хизматлари сифати бўйича ҳудудларнинг рейтинглари маҳаллий ижро этувчи ҳокимият органлари раҳбарлари фаолиятининг энг муҳим самарадорлик кўрсаткичлари (КРИ)ни аниқлашда ҳисобга олинади.
Транспорт вазирлиги:
- 2025 йил 1 ноябргача жойлардаги ҳокимликлар билан биргаликда шаҳарларнинг автотранспортда йўловчи ташиш хизматлари сифатини баҳолайди;
- 2025 йил 10 ноябргача баҳолаш натижаларига кўра аҳолига транспорт хизматларини кўрсатиш бўйича республика шаҳарларининг рейтинги эълон қилинади.
Қорақалпоғистон республикаси Вазирлар кенгаши, вилоятлар ва Тошкент шаҳар ҳокимликлари 2025 йил 10 декабрга қадар рейтинг натижаларини ҳисобга олган ҳолда, аҳолига транспорт хизматларини кўрсатиш рейтингини яхшилаш бўйича чора-тадбирларни ишлаб чиқиб, Вазирлар Маҳкамасига киритади.
Изоҳ (0)