Hukumat qarori bilan Avtotransportda yo‘lovchi tashish xizmatlari sifatini baholash metodikasi tasdiqlandi.
Hujjatda qayd etilishicha, pezidentning “O‘zbekiston — 2030” strategiyasini amalga oshirishga doir farmoni ijrosini ta’minlash hamda transport sohasidagi ustuvor vazifalarni barajarish, aholiga transport xizmatlari ko‘rsatish darajasini oshirish maqsad qilingan.
Metodika quyidagilarni nazarda tutadi:
- hududlarning jamoat transporti bilan ta’minlanganlik darajasi ko‘rsatkichlarini belgilash;
- hududlarning jamoat transporti bilan ta’minlanganlik darajasini aniqlash;
- avtotransportda yo‘lovchi tashish xizmatlari sifatini baholash;
- avtotransportda yo‘lovchi tashish xizmatlari sifati bo‘yicha hududlarning reytinglarini belgilash.
Ikki yilda bir marta 1-fevralgacha Transport vazirligi tomonidan avtotransportda yo‘lovchi tashish xizmatlari sifatini baholash dasturi tasdiqlanadi.
Avtotransportda yo‘lovchi tashish xizmatlari sifati bo‘yicha hududlarning reytinglari mahalliy ijro etuvchi hokimiyat organlari rahbarlari faoliyatining eng muhim samaradorlik ko‘rsatkichlari (KRI)ni aniqlashda hisobga olinadi.
Transport vazirligi:
- 2025-yil 1-noyabrgacha joylardagi hokimliklar bilan birgalikda shaharlarning avtotransportda yo‘lovchi tashish xizmatlari sifatini baholaydi;
- 2025-yil 10-noyabrgacha baholash natijalariga ko‘ra aholiga transport xizmatlarini ko‘rsatish bo‘yicha respublika shaharlarining reytingi e’lon qilinadi.
Qoraqalpog‘iston respublikasi Vazirlar kengashi, viloyatlar va Toshkent shahar hokimliklari 2025-yil 10-dekabrga qadar reyting natijalarini hisobga olgan holda, aholiga transport xizmatlarini ko‘rsatish reytingini yaxshilash bo‘yicha chora-tadbirlarni ishlab chiqib, Vazirlar Mahkamasiga kiritadi.
Izoh (0)