“Россия темир йўллари” очиқ акциядорлик жамияти Ўзбекистонда ўз ваколатхонасини очади. Бу ҳақда жамият матбуот хизмати хабар берди.
Россия бош вазири ўринбосари Виталий Савелев бошчилигидаги делегация 18 сентябрь куни Ўзбекистон расмийлари — Шавкат Мирзиёев, бош вазир Абдулла Арипов, транспорт вазири Илҳом Маҳкамов билан қатор учрашувлар ўтказди. Тошентда бўлиб ўтган музокараларда “Россия темир йўллари” раҳбари Олег Белозёров ҳам иштирок этган.
Хабарда айтилишича, “Россия темир йўллари” ва ўзбекистонлик ҳамкорлар халқаро инфратузилма лойиҳаларини биргаликда амалга ошириш, йўловчи ташишни ривожлантириш, логистика хизматларини кенгайтириш, рақамлаштириш, таълим дастурлари ва гуманитар ҳамкорлик каби кенг йўналишларда иш олиб бормоқда.
“Ўзбекистон темир йўллари” АЖ томонидан тузилган Тошкент—Москва поездлари қатновининг қайта тиклангани ҳамкорликнинг асосий натижаларидан бири бўлди. Поезд 24 сентябрдан ҳафтасига бир марта, 15 декабрдан эса ҳафтада икки марта янги жадвал жорий этилгандан сўнг ҳаракатлана бошлайди.
Сайёҳлик поездлари йўналишлари вариантлари ҳам биргаликда кўриб чиқилмоқда.
Юк ташиш сегментида “Агроэкспресс” тезлаштирилган музлатгичли контейнер поездини йўлга қўйиш устида иш олиб борилмоқда.
Яқин кунларда Ўзбекистонда “Россия темир йўллари”нинг ваколатхонаси очилади.
Изоҳ (0)