Tashkent City боғида янги йил тадбирлари ўтказилиши муносабати билан 25 декабрдан 2025 йил 10 январгача автомобиллар ҳаракати чекланади. Бу ҳақда Тошкент шаҳар Ички ишлар бош бошқармаси хабар берди.
Шу муносабат билан ҳайдовчилардан ёндош кўчалардан ҳаракатланиш сўралмоқда.
Мазкур боғда ўтказилаётган байрам тадбирларига ташриф буюриш истагида бўлган фуқаролар учун қуйидаги автотураргоҳларга автомашиналарни қўйиш тавсия этилди:
- Ислом Каримов кўчаси орқали СҚБ ва Асака банклари ерости автотурарҳоҳларига;
- Фурқат кўчаси орқали Boulevard турар жой комплексининг ерости тураргоҳига;
- Ботир Зокиров ва Заргар кўчалари орқали Tashkent City Mall савдо мажмуасининг ер ости автотураргоҳига.
Аввалроқ Янги йил муносабати билан Тошкентнинг айрим марказий кўчаларида транспорт ҳаракати чекланиши ҳақида хабар берилганди. Жумладан, 2024 йилнинг 10 декабридан 2025 йилнинг 15 январигача қуйидаги кўчаларда автотранспорт воситалари ҳаракати чекланади:
- Зарафшон кўчасининг Hyatt Regency Ташкент меҳмонхонаси қўриқлаш пункти ва Матбуотчилар кўчалари оралиғидаги қисми;
- Истиқлол кўчасининг Амир Темур ва Буюк Турон кўчалари оралиғидаги қисми;
- Буюк Турон кўчасининг Истиқлол кўчаси кесишмасидан Ёшлар ижод саройигача бўлган қисмида.
Изоҳ (0)