2023 йил 4 ноябрда Ўзбекистон ишбилармонлар ҳамжамияти Piramit Mall СМ тақдимотига бағишланган маросимда жамланди. Коç Cонструcтион қурилиш компанияси Hilton Tashkent City да ташкил этилган тантанали тадбирда ўзининг янги лойиҳасини тақдим этди.
Шарқда бозорларда савдо қилиш анъанаси кучли: сўрашиш, суриштириш, айланиб кўриш, савдолашиш. Шу билан бирга, савдо марказларида шоппинг қилиш маданияти ҳам ўсиб бормоқда. Сўнги ўн йилликда савдо марказлари сони сезиларли ошди, аммо улар Ўзбекистоннинг замонавий аҳолиси учун зарур сервис даражасини таъминлаб бера олмаяпти. Истеъмолчилар сўровларига жавобан, Ўзбекистондаги етакчи қурилиш компанияларидан бири – Коç Cонструcтион пойтахт ҳамжамиятига янги Piramit Mall савдо марказини тақдим этди.
2023 йил 4 ноябрда Hilton Tashkent City меҳмонхонасида ўтган тижорат майдонлари сотувининг бошланишига бағишланган тадбирда қурилиш компаниясининг раҳбарлари, маҳаллий амалдорлар, Ўзбекистон бизнес доираси вакиллари, инфлюенсерлар, ОАВ вакиллари қатнашди. Қутлов сўзи билан чиқиш қилган Коç Cонструcтион директорлар кенгаши раисининг ўринбосари Умар Сарикўч Piramit Mall Тошкентнинг машҳур рамзларидан бирига айланишини, унинг 185 метрли Piramit Tower осмонўпар биноси билан ёнма-ён жойлашгани бежиз эмаслигини қайд этди. “Ўзбекистонда чакана савдо салоҳияти жадал ўсмоқда ва Piramit Mall маркази ушбу жараёнга етакчилик қилиши учун лойиҳалаштирилган”,- деди Сарикўч жаноблари. У Piramit Mall 200 дан зиёд муваффақиятли якунланган лойиҳалардан бири бўлганлигини қўшимча қилиб, бу Коç Cонструcтион нинг қурилиш соҳасидаги 50 йиллик тажрибасининг мантиқий самараси эканини билдирди.
Пирамит СМ — истеъмолчилар сўровларига мантиқий жавоб
Жамоат жойлари, офислар ва хонадонлар жойлашадиган Piramit Tower 2024 йил ўрталарида ўз эшикларини очади. Piramit Mall СМ режалаштирилган уч қават ўрнига олти қаватга бўй чўзади, у 2025 йилда якунланади. Шу тариқа, “Пирамит” мажмуаси кенг кўламдаги бренд ва хизматларга эга, мулоқот ва шоппинг учун жозибали марказга айланади. Жаноб Сарикўч қўшима қилганидек, молл ташриф буюрувчиларга люкс-сегментдаги кўча дўконларига эга очиқ савдо маркази концепциясини таклиф этади. Бу истеъмолчиларнинг бир жойда қулай ва кенг қамровли шоппинг борасидаги сўровларига жавоб бўлади.
Катта истиқболга эга инвестициявий имкониятлар
Кейин “Пирамит” маркетинг бўйича менежери Қодир Йилмаз сўзга чиқди. У Piramit Mall нинг муваффақиятли жойлашуви сабабли у ерда дўконлар очадиган компаниялар миллий ва халқаро миқёсда ўз бизнесларини кенгайтириш имконига эга бўлишларини, шунингдек кенг мақсадли аудиторияни қамрай олишларини қайд этди. Жаноб Йилмаз таъкидлаганидек, Piramit Mall нинг стратегик жойлашуви туфайли инвесторлар ва бизнес соҳибларига вақт ўтган сари қадри ошиб борувчи ноёб таклиф тақдим этилишини таъкидлади:
- СМ бутун дунёдан 90 дан зиёд брендни бир жойга жамлайди;
- Лойиҳанинг қисқа муддатларда амалга оширилиши инвесторларга маблағлари ўзларига тез қайтишини таъминлайди;
- Кўча чакана садвосига қараганда юқорироқ ижара тўлови ҳам тижорат майдонлари эгалари учун инвестицияларнинг қайтишини жадаллаштиради.
У Piramit Tower, Piramit Flat ва Piramit Mall СМ экотизими – бу 3000 дан зиёд ходим ва осмонўпардаги апартаментларнинг 2000 дан зиёд яшовчиси эканини ёдга солди. Мажмуа атрофида, 10 дақиқали радиусда яна миллионга яқин инсон истиқомат қилади. Уларнинг барчаси савдо марказининг потенциал мижози бўладилар ва бизнеснинг жўшқин старт олишини таъминлайдилар.
Жаҳон стандартларига мос савдо маркази
Piramit Mall — жаҳон стандартларига кўра лойиҳалаштирилган ва қурилаётган савдо маркази. Унда майдони 21 м2 дан 367 м2 гача бўлган 94 та дўкон жойлашади, улар барқарор даромад манбаси бўла олади. Компания кийим-кечак ва заргарлик буюмлари бутиклари, техника, косметика, саломатлик учун товарлар, озиқ-овқат товарлари дўконлари, банк офислари, хизмат кўрсатиш ва кўнгил очиш нуқталари жойлашишини қўллаб-қувватлайди.
Piramit Mall савдо маркази мижозлар кўп келишига мўлжаллаб лойиҳалаштирилган. Автотураргоҳ инфратузилмаси 1000 тагача автомобилни сиғдиради. Биринчи иккита қаватга кириш учта турли нуқталардан ташкил қилинган. СМда табиий ресурслардан унумли фойдаланиш, жумладан тежамкор электр истеъмоли, интеллектуал вентилясия технологияси ва эксплуатация харажатларининг камайиши режалаштирилган.
Piramit Mall Ўзбекистон чакана бизнес оламида стандартларни янада юқори кўтаради ва янги меъёрлар белгилайди. Тошкентнинг қоқ марказидаги ноёб жойлашуви ва вақтга қарам бўлмаган меъморий ўзига хосликлари туфайли, у замонавий савдо маркази концепциясини янги даражага олиб чиқади.
Маросимда тантанали суратда тижорат майдонларининг сотуви бошлангани эълон қилинди. Ҳозирги босқичда Piramit Mall ичидаги савдо майдончалари махсус тўлов режалари бўйича сотувга чиқарилмоқда, бу уларни инвестициялар ўзини қоплаши нуқтаи назаридан максимал фойдали объектга айлантиради. Коç Cонструcтион компанияси Piramit Mall жаҳон миқёсидаги савдо маркази лойиҳаси пойтахт бизнесининг муносиб намунаси бўлишига ишонч билдирди.
Реклама ҳуқуқи асосида.
Изоҳ (0)