Пойтахтимизда ўзбек автомобиль бизнеси оламидаги муҳим воқеа – тез орада Ўзбекистонда EXEED автомобилини йиғувчи заводнинг очилиши кутилаётгани ва EXEED маркали премиал автомобилининг тақдимотига бағишланган матбуот анжумани бўлиб ўтди.
EXEED — Европа автомобилсозлик маданиятининг кўп асрлик анъаналарини замонавий ишлаб чиқариш технологиялари билан бирлаштирган премиум тоифасига оид янги бренд ҳисобланади.
Аsaka Motors International компанияси EXEED автомобиль брендининг Ўзбекистондаги расмий дистрибютори ҳисобланади.
Матбуот анжуманида Asaka Motors International бош директори Акромжон Тўхтабоев, тижорат директори Саиджон Турсунов, сотувдан кейинги хизматларни кўрсатиш директори Тимур Иргашев, EXEED брендининг Ўзбекистондаги бренд менежери Елена Вишерова ҳамда EXEED International вакили Лоусон Хан иштирок этишди.
Аsaka Motors вакилларининг таъкидлашича, EXEED автомобилларини янги бозорга етказиб бериш яқин вақт ичида бошланади. Харидорларга LХ, ТXL кроссоверлари ва VX флагман модели таклиф этилади.
Эътиборли жиҳати, EXEED автомобиллари учун 7 йил ёки 200 000 километр кафолат берилади. Бу Ўзбекистон бозоридаги энг катта кафолат муддатларидан бири ҳисобланади.
Аsaka Motors ва EXEED вакиллари анжуман қатнашчиларига ҳамкорликнинг стратегик истиқболлари, бутун Ўзбекистон бўйлаб диллерлик тармоғини кенгайтириш ҳақида гапириб беришди ва сотувлар бошланиш санасини очиқлашди. Яқин кунларда Тошкентда EXEED Rohat ва EXEED Tashkent City автосалонларининг тантанали очилиши режалаштирилганлигини маълум қилишди.
“Биз EXEED нинг Ўзбекистон бозоридаги истиқболларини ижобий баҳолаймиз. – деди Аsaka Motors компанияси тижорат директори Саиджон Турсунов ўз нутқида. – EXEED премиум автомобиль бренди ҳисобланиб, маҳсулотлари Европа автомобиль ишлаб чиқаришининг энг яхши анъаналари асосида яратилган, автомобилсозлик саноатининг сўнгги замонавий технологияларидан фойдаланади. Биз тушунамизки, замонавий дунёда кўп одамлар учун машина нафақат транспорт воситаси, балки иш ва ҳаёти давомида зарур вазифаларни бажариш учун мўлжалланган муҳим воситага айланган. Шунинг учун EXEED автомобилларини ишлаб чиқувчилари ва дизайнерлари автомобилнинг хавфсизлиги ва ишончлилиги устида кўп ишладилар. Ушбу автомобиллар ҳайдаш тажрибангизни оширади, у имкон қадар қулай ва хавфсизликни кафолатлайдиган кенг кўламли ақлли тизимлар ва техник-кўмакчилар билан жиҳозланган”.
Тадбирда, шунингдек, тез кунларда Сирдарё вилоятида ҳам EXEED автомобиль йиғиш заводи очилиши маълум қилинди. Янги завод минтақадаги энг замонавий автомобиль ишлаб чиқариш объектларидан бири бўлиб, илғор технологиялар ва замонавий ускуналардан фойдаланган ҳолда EXEED автомобилларини йиғади, энг юқори сифат ва хавфсизлик стандартларига мувофиқлигини таъминлайди. Ўзбекистонда EXEED заводининг очилиши минтақада автомобилсозлик саноатини кескин ривожлантириш, янги иш ўринларини яратиш ва иқтисодий ўсишни юксалтиришга хизмат қилади.
"EXEED автомобиль йиғиш заводининг очилиши нафақат компаниямиз ривожланишидаги янги босқич, балки Ўзбекистон билан узоқ муддатли ва ўзаро манфаатли ҳамкорликка тайёрлигимизнинг далилидир. Ишончимиз комилки, бизнинг лойиҳамиз мамлакатларимиз ўртасидаги иқтисодий алоқаларни мустаҳкамлашга ёрдам беради ва минтақада автомобилсозлик саноатини ривожлантиришга катта ҳисса қўшади”, – деди Chery International EXEED Uzbekistan савдо бўйича директори Лоусон Хан.
Компания вакилларининг таъкидлашича, автомобилларини ишлаб чиқишда BMW, Jaguar Land Rover ва бошқа Европа автомобиль концернларининг дизайнерлари ва муҳандислари иштирок этади, барча ишлаб чиқариш майдончаларида бир хил ишлаб чиқариш жараёнлари ва сифат назоратининг энг юқори даражаси таъминланади. Компания эҳтиёт қисмлар ишлаб чиқариш бўйича дунёга машҳур компаниялар, жумладан Intel, Baidu, Bosch, Мagna, Benteler каби Fortune 500 рўйхатидан жой олган компаниялар билан ҳамкорлик алоқаларини ўрнатган.
Компания вакилларининг таъкидлашича, EXEED Ўзбекистон бозорига юқори даражали дизайн, сунъий интеллектдан фойдаланишга асосланган илғор технологиялар, юқори сифат ва сервисни бирлаштирган автомобилларни олиб чиқади. Натижада EXEED Ўзбекистонда фаолият олиб борувчи бошқа компаниялар билан муносиб рақобат қила олади ва автомобиль бозорида ўз ўрнини эгаллайди.
Реклама ҳуқуқи асосида.
Изоҳ (0)