Халқаро футбол ассоциацияси (FIFA) 2024 йил ҳисобидан сўнгги рейтингини эълон қилди.
Унга кўра, Ўзбекистон миллий терма жамоаси ноябрь ойидаги каби 58-ўринда қайд этилди. Жамоа ҳозирда 1424,93 очко тўплаб, Осиёнинг 7-жамоаси бўлиб турибди. Осиёда кучли учликдан Япония, Эрон ва Корея Республикаси жой олган.
Рейтингнинг энг юқори ўрнида амалдаги Жаҳон чемпиони Аргентина жамоаси ўрин олган. Кейинги ўринларда Франция ҳамда Испания термалари жойлашган.
Ўзбекистон миллий жамоаси навбатдаги учрашувни келгуси йил март ойида ўтказади. 20 март кунига белгиланган баҳсда Ўзбекистон ўз уйида Қирғизистонни қабул қилади.
Изоҳ (0)