Тарихий драмаларни томоша қилганингизда ўша даврларда буларнинг нақадар ҳашаматли бўлганини кўз олдингизга келтирасиз. Аслида томошабинларда сюжетнинг ҳақиқийлигига шубҳа қолдирмаслик учун жуда катта маблағ сарфланади.
“Шанъян достони”
Бюджет: 700 миллион Хитой юани (96 млн доллар)
Чиройли зодагон аёл Ван Сюанни ҳурматли, аммо қуйи табақадан бўлган генерал Сяо Сига турмушга беришади. Дастлаб никоҳ келиннинг иродасига қарши бўлган бўлса-да, аста-секин эр-хотин ўртасида бир-бирига нисбатан ҳис-туйғулар пайдо бўлади. Энди бу жуфтлик давлатни фуқаролар инқилоби ва сиёсий ғалаёнлардан ҳимоя қилиш ниятида.
“Чанъандаги энг узун кун”
Бюджет: 600 миллион Хитой юани (82 млн доллар)
Қачонлардир қўмондон Чжан Сяо Сзин бутун Хитойда қаҳрамон ҳисобланган, аммо кейинчалик у шарманда қилинган ва кўплаб қотилликлар учун ўлимга ҳукм қилинган. Ёш дао Ли Би эса императорнинг маслаҳатчиси бўлишни орзу қилади. Тақдир уларни бирлаштиради, улар биргаликда пойтахтни вайрон қилиш ва тўнтаришни бошлаш ниятида бўлганларни тўхтатади. Драма 15 та мукофот ва фестивалларда 22 та номинацияда ғолиб чиққан.
“Фей ҳақида афсона”
Бюджет: 600 миллион Хитой юани (82 млн доллар)
Чжоу Фей дунё уруш ва жангларга ботган оғир даврда туғилган. Йигитча Се Юн билан кутилмаган танишуви иккаласининг ҳам ҳаётини ўзгартириб, жуфтликни қайта-қайта тўқнашишга мажбур қилади. Натижад, иккала жанг санъати устаси янги хавф-хатарларга қарши туриш ва бир-бирини қутқариш учун биргаликда саёҳатга отланади.
“Ян Гуйфей ҳақида афсона”
Бюджет: 383 миллион Хитой юани (53 млн доллар)
Ян Гуйфей қадимги Хитойнинг энг гўзал аёлларидан бири сифатида танилган. Император Сюансзуннинг маъшуқаси гарчи севимли канизак сифатида ҳаётининг кўп қисмини бахтиёр ўтказган бўлса-да, уни қайғули якунлаган.
“Жуйи ҳақида афсона”
Бюджет: 330 миллион Хитой юани (45 млн доллар)
Син сулоласи даврида зукколиги, донолиги ва ақл бовар қилмас стратегик қобилияти билан машҳур бўлган қиролича Жуйи яшаган. Гарчи унинг қарорлари кўп жиҳатдан давлатни илгари сурса-да, унинг шон-шуҳрати ва ҳокимиятига кўпчилик ҳасад қилади, уни ўлдиришга ҳаракат қилишади.
“Хитой қироличаси”
Бюджет: 320 миллион Хитой юани (44 млн доллар)
Биографик дорама мамлакатда 40 йил ҳукмронлик қилган буюк қиролича У Сзе Тян ҳаёти ҳақида ҳикоя қилади. У Хитой тарихида ушбу унвонга сазовор бўлган биринчи ва ягона аёл бўлган. Унинг ҳаёти муҳаббат, фитна, нафрат, ғийбат ва рашкка тўла эди, лекин уни унутиш ва давлат тарихидан ўчириб ташлаш мумкин эмас.
“Аскарлар ва командирлар”
Бюджет: 319 миллион Хитой юани (44 млн доллар)
Драма Бирма йўлидаги жангларга урғу бериб, Хитой-Япония уруши давридаги 1942 йилги ҳарбий воқеаларни кўрсатади. Ўша даврдаги ўнлаб аскарларнинг тақдири ва ҳаёти аскар бўлган талаба тилидан ҳикоя қилинади. У ва бир гуруҳ жангчилар командирсиз йўқолиб қолишади. лекин Салуин дарёсида банзай ҳужумларига бардош бериб, японларни чалғитиш учун бирга кетаётган сирли сардорга дуч келишади.
“Уч қироллик”
Бюджет: 180 миллион Хитой юани (25 млн доллар)
Ло Гуанчжуннинг шу номдаги романидан илҳомланган драма Хитойда уч давлат — Вей, У ва Шуга бўлинган уч қироллик даврининг кундалик ҳаётини кўрсатади. Хан сулоласи ҳукмронлиги таназзулга юз тутган даврда тахт учун даъвогарлар қаттиқроқ кураш олиб борганлар. Юзлаб қаҳрамонлар иштирокидаги ҳарбий ва сиёсий фитналар аралашмаси асосий қаҳрамонларни, яъни Вей қироллигидан Сао Сао ҳукмдори, Шу қироллигидан генерал Чжан Фей ва Шу қироллигидан маслаҳатчи Чжунге Лянни ажратиб туради.
“Ланя рўйхати”
Бюджет: 110 миллион Хитой юани (15 млн доллар)
IV асрда Хитойда Шимолий Вей ва Жанубий Лян сулолалари ўртасида уруш бўлиб ўтади. Жанубий Лян сулоласи мағлубиятга учрайди, лекин бош қўмондоннинг ўғли тирик қолади. Йигит жосусга айланади, душман қароргоҳига кириб, сиёсий фитналар марказига тушади. Император ворисининг дўстига айланиб, у бундан 12 йил олдин отасини ким жазолаганини аниқлашга ҳаракат қилади.
Изоҳ (0)