Tarixiy dramalarni tomosha qilganingizda o‘sha davrlarda bularning naqadar hashamatli bo‘lganini ko‘z oldingizga keltirasiz. Aslida tomoshabinlarda syujetning haqiqiyligiga shubha qoldirmaslik uchun juda katta mablag‘ sarflanadi.
“Shan’yan dostoni”
Budjet: 700 million Xitoy yuani (96 mln dollar)
Chiroyli zodagon ayol Van Syuanni hurmatli, ammo quyi tabaqadan bo‘lgan general Syao Siga turmushga berishadi. Dastlab nikoh kelinning irodasiga qarshi bo‘lgan bo‘lsa-da, asta-sekin er-xotin o‘rtasida bir-biriga nisbatan his-tuyg‘ular paydo bo‘ladi. Endi bu juftlik davlatni fuqarolar inqilobi va siyosiy g‘alayonlardan himoya qilish niyatida.
“Chan’andagi eng uzun kun”
Budjet: 600 million Xitoy yuani (82 mln dollar)
Qachonlardir qo‘mondon Chjan Syao Szin butun Xitoyda qahramon hisoblangan, ammo keyinchalik u sharmanda qilingan va ko‘plab qotilliklar uchun o‘limga hukm qilingan. Yosh dao Li Bi esa imperatorning maslahatchisi bo‘lishni orzu qiladi. Taqdir ularni birlashtiradi, ular birgalikda poytaxtni vayron qilish va to‘ntarishni boshlash niyatida bo‘lganlarni to‘xtatadi. Drama 15 ta mukofot va festivallarda 22 ta nominatsiyada g‘olib chiqqan.
“Fey haqida afsona”
Budjet: 600 million Xitoy yuani (82 mln dollar)
Chjou Fey dunyo urush va janglarga botgan og‘ir davrda tug‘ilgan. Yigitcha Se Yun bilan kutilmagan tanishuvi ikkalasining ham hayotini o‘zgartirib, juftlikni qayta-qayta to‘qnashishga majbur qiladi. Natijad, ikkala jang san’ati ustasi yangi xavf-xatarlarga qarshi turish va bir-birini qutqarish uchun birgalikda sayohatga otlanadi.
“Yan Guyfey haqida afsona”
Budjet: 383 million Xitoy yuani (53 mln dollar)
Yan Guyfey qadimgi Xitoyning eng go‘zal ayollaridan biri sifatida tanilgan. Imperator Syuanszunning ma’shuqasi garchi sevimli kanizak sifatida hayotining ko‘p qismini baxtiyor o‘tkazgan bo‘lsa-da, uni qayg‘uli yakunlagan.
“Juyi haqida afsona”
Budjet: 330 million Xitoy yuani (45 mln dollar)
Sin sulolasi davrida zukkoligi, donoligi va aqlbovar qilmas strategik qobiliyati bilan mashhur bo‘lgan qirolicha Juyi yashagan. Garchi uning qarorlari ko‘p jihatdan davlatni ilgari sursa-da, uning shon-shuhrati va hokimiyatiga ko‘pchilik hasad qiladi, uni o‘ldirishga harakat qilishadi.
“Xitoy qirolichasi”
Budjet: 320 million Xitoy yuani (44 mln dollar)
Biografik dorama mamlakatda 40 yil hukmronlik qilgan buyuk qirolicha U Sze Tyan hayoti haqida hikoya qiladi. U Xitoy tarixida ushbu unvonga sazovor bo‘lgan birinchi va yagona ayol bo‘lgan. Uning hayoti muhabbat, fitna, nafrat, g‘iybat va rashkka to‘la edi, lekin uni unutish va davlat tarixidan o‘chirib tashlash mumkin emas.
“Askarlar va komandirlar”
Budjet: 319 million Xitoy yuani (44 mln dollar)
Drama Birma yo‘lidagi janglarga urg‘u berib, Xitoy-Yaponiya urushi davridagi 1942-yilgi harbiy voqealarni ko‘rsatadi. O‘sha davrdagi o‘nlab askarlarning taqdiri va hayoti askar bo‘lgan talaba tilidan hikoya qilinadi. U va bir guruh jangchilar komandirsiz yo‘qolib qolishadi. lekin Saluin daryosida banzay hujumlariga bardosh berib, yaponlarni chalg‘itish uchun birga ketayotgan sirli sardorga duch kelishadi.
“Uch qirollik”
Budjet: 180 million Xitoy yuani (25 mln dollar)
Lo Guanchjunning shu nomdagi romanidan ilhomlangan drama Xitoyda uch davlat — Vey, U va Shuga bo‘lingan uch qirollik davrining kundalik hayotini ko‘rsatadi. Xan sulolasi hukmronligi tanazzulga yuz tutgan davrda taxt uchun da’vogarlar qattiqroq kurash olib borganlar. Yuzlab qahramonlar ishtirokidagi harbiy va siyosiy fitnalar aralashmasi asosiy qahramonlarni, ya’ni Vey qirolligidan Sao Sao hukmdori, Shu qirolligidan general Chjan Fey va Shu qirolligidan maslahatchi Chjunge Lyanni ajratib turadi.
“Lanya ro‘yxati”
Budjet: 110 million Xitoy yuani (15 mln dollar)
IV asrda Xitoyda Shimoliy Vey va Janubiy Lyan sulolalari o‘rtasida urush bo‘lib o‘tadi. Janubiy Lyan sulolasi mag‘lubiyatga uchraydi, lekin bosh qo‘mondonning o‘g‘li tirik qoladi. Yigit josusga aylanadi, dushman qarorgohiga kirib, siyosiy fitnalar markaziga tushadi. Imperator vorisining do‘stiga aylanib, u bundan 12 yil oldin otasini kim jazolaganini aniqlashga harakat qiladi.
Izoh (0)