Жуд Беллингем Европа Чемпионатидан сўнг жарроҳлик амалиётини бошидан ўтказиши мумкин.
Relevo нашрининг хабар беришича, “Реал” ва Англия терма жамоаси ярим ҳимоячисини ҳамон ноябрь ойида олган жароҳати безовта қилади. 2023 йилда Жуд Ла Лига доирасида “Райо Вальекано”га қарши баҳсда жароҳат олганди.
Дастлаб клуб жарроҳлик амалиётини режалаштирган эди, кейинчалик бошқача усул қўллашга қарор қилди. Беллингем ўйинларга оғриқ қолдирувчи воситалардан фойдаланган ҳолда тушадиган бўлди.
Евро—2024 мусобақасидан сўнг Жуд тиббий кўрикдан ўтади ва “Реал” эҳтимолий операция бўйича қарор қабул қилади. Агарда футболчи жарроҳлик амалиётини бошидан ўтказса, камида 2 ой майдонга туша олмайди.
Эслатиб ўтамиз, Жуд Беллингем Англия терма жамоаси билан биргаликда Евро—2024 финалида иштирок этади. “Уч шерлар”га ҳал қилувчи баҳсда Испания рақиблик қилади.
Изоҳ (0)