“Манчестер Сити” ва Испания терма жамоаси ярим ҳимоячиси Родрининг “Олтин тўп” соҳиби учун ўтказилган сўровномада кимга овоз бергани маълум бўлди.
Журналист Фабрицио Романонинг ижтимоий тармоқларда хабар беришича, футболчи ўзини биринчи ўринга қўйган. Испаниялик футболчининг рейтингида иккинчи ўринда “Реал” ҳимоячиси Дани Карвахаль жойлашган. “Қироллик клуби” ҳужумчиси Винисиус Жуниор учинчи ўринни эгаллаган.
Родри 2008 йилдан бери Англия Премер Лигаси клубларидан “Олтин тўп” совринини қўлга киритган биринчи футболчи бўлди. Овоз бериш натижасига кўра “Реал” ҳужумчиси Винисиус Жуниор иккинчи ўринни эгаллади. “Реал” ва Англия терма жамоаси ярим ҳимоячиси Жуд Беллингем учинчи бўлди. Кучли бешликка ҳимоячи Даниэль Карвахаль (“Реал”) ва ҳужумчи Эрлинг Ҳоланд (“Манчестер Сити”) кирди.
Маълумот учун, Родри “Манчестер Сити” таркибида барча мусобақаларни қўшиб ҳисоблаганда 174 ўйинда майдонга тушган ва 22 бор рақиблар дарвозасини ишғол қилган.
Изоҳ (0)